2 LALHAI 11:5 - Pathien Lekhabu Inthieng (BSI)

⁵ Chun, ama chun, “In thaw ding chu hieng ang hi a nih; nangni laia châwlnia hung dinghai hi hmun thuma ṭhea hmun khatin lal in chu vêng in ta;

2 LALHAI 11:5 ပူးပေါင်းရင်းမြစ်များ

1 LALHAI 10:5

a dawkâna fâk ding dâm, a upahai ṭhung dân dâm, a rawngbâwltuhai chângvêl dân dâm, an inchei dân dâm, a no inhlântuhai dâm, Lalpa ina ân hlân pumrawhmang thilinhlâna ân hlânhai a hei hmu chun lungril alêm a nei ta naw a.

2 LALHAI 11:19

Chun, sipai za hotuhai, Kereth mi dâm, vêngtu sipaihai le, chu rama mi po po chu a ṭhuoi a, Lalpa ina inthawkin lal chu an hung ṭhuoi thlâk a, vêngtuhai kawtkhâra lûtin lal ina chun an fe a. Chuongchun, lalhai lalṭhungphaa chun a ṭhung ta a.

2 LALHAI 11:6

chun, hmun thuma ṭhea hmun khat chu Sur kul kawtkhârah um in ta; chun, hmun thuma ṭhea hmun khat chu vêngtuhai hnungtienga kul kawtkhâra chun um in tih; chuong ang chun in chu vêng in ta, a dangtuah in um ding a nih.

2 LALHAI 16:18

Chun, châwl nia dinga chung neia lampui ina an siem le tuoltienga lal lûtna chu Assuria lal lei chun Lalpa in dingin a thlâkthleng ta hlau a.

1 CHANCHIN SUINA 23:32

chun, Lalpa ina rawngbâwlna dinga, an unau Aron thlahai sin kawl le, hmun inthieng enkawlna sin le, intuokna in enkawlna sin chu an kawl ding a nih;

1 CHANCHIN SUINA 9:25

Chun, an unauhai, an khuoa umhai chu, ni sari sûng peiah rawngbâwla anni le um dingin a châng chângin an hung hlak ding a na;

JEREMIA 26:10

Juda ram lalhai chu chuong thuhai chu an lo hriet chun, lal ina inthawk chun Lalpa ina chun an hung tâwl a; chuongchun, Lalpa in dai kawtkhâr thar lûtnaa chun an ṭhung tâwl a.