2 LALHAI 1:16 - Pathien Lekhabu Inthieng (BSI)

¹⁶ Chun, a kuomah, “Lalpa chun hieng hin a ti a nih, ‘Ekronhai pathien Baal-zebub chu thu indawn dinga tirtâwnhai i lo tir hi, Israel rama hin Pathien rawn ding hrim an um naw lei a ni maw? chuleiin, khum i kainaa inthawk khan ṭum nâwk ta naw ti ni a, i thi ngei ngei ding a nih,’ tiin,” a ta.

2 LALHAI 1:16 ပူးပေါင်းရင်းမြစ်များ

1 LALHAI 22:28

Chun, Mikaia chun, “Lungmuongtaka i hung nâwk tâk leh, Lalpain kei mi hmang hin thu a hril naw nîng a tih,” a ta. Chun, ama ma chun, “Nangni mipuihai, in rêngin lo hre seng ro,” a ta.

2 LALHAI 1:6

Anni chun a kuomah, “Mi pakhat keini mîn tuokpui dingin a hung a, kan kuomah, ‘Fe unla, kîr nâwk unla, lal a tirtu cheu kuoma chun hieng hin va hril ro, Lalpa chun hieng hin a hril a nih, Israel rama hin Pathien a um ta naw leiin am a ni Ekronhai pathien Baal-zebub chu thu indawn dinga mi i tir chu? Chuleichun, khum i kainaa inthawk khan ṭum nâwk ta naw ti ni a, i thi ngei ngei ding a nih,’ tiin, va hril ro, a mi lo ti a,” an ta.

2 LALHAI 20:1

Chuong lai chun Hezekia chu thi ngamin a na a. Chuongchun, Amoz naupa zâwlnei Isai chu a kuomah a hung a, a kuomah, “Lalpa chun hieng ang hin a tih, ‘I sûnghai um dân ding rêl fel rawh; i thi ding a ni si a; dam suok naw ti nih’tiin”a ta

2 LALHAI 5:21

Chuongchun, Gehazi chun Naaman chu a hnawt ta a. Naaman chun tuin amanih a hung hnawt a hei hmu chun lo biek tumin a tawlailîra inthawk chun a ṭum a, “Ṭha tieng thu a ni de maw?” a ta.

2 LALHAI 8:10

Chun, Elisa chun a kuomah, “Fe nâwk ta la, a kuomah, ‘Ṭha suok nâwk mawl i tih, a tih,’ ti rawh, amiruokchu, a la thi ngei ding a nih ti chu Lalpain a mîn hriettir a nih,” a ta.

2 LALHAI 8:8

Chun, lalin Hazael kuomah, “Lâwmman ding chawi la, Pathien mi chu be dingin va fe rawh, ka natna hi ka ṭha suok nâwk thei ding am Lalpa mi lo râwnpêk raw se,” a ta.

INPÂKNA HLABU 132:3

“Ka umna inah lût dêr naw ning a, Ka khumah kai bawk naw ning a.

THUVARHAI 11:19

Felnaa ngîr det tlattu chun hringna chu hmûng a ta, Suolna hnawttu chun a thina ding ngeiin a thaw a nih.

EZEKIEL 14:4

Chuleiin, an kuoma chun thu hril la, an kuomah, ‘Lalpa Pathien chun hieng hin a ti a nih, Israel sûngkuo laia mi tukhawm a milimhai chu a lungril sûnga la tlat a, a hmaihmaa a suolna tlûkna lung sietu zâwlnei kuoma hung si chu, keima Lalpa ngeiin a milimhai tamzie ang peiin dawn ka tih;