2 KORINTH 9:8 - Pathien Lekhabu Inthieng (BSI)

⁸ Chun, Pathienin lunginsietna tinrêng in chungah a vur thei a nih; chuongchun, nangnîn iengkimah a hun zet nei rawpin, sin thaw ṭha tinrênga dingin hau thei in tih;

2 KORINTH 9:8 ပူးပေါင်းရင်းမြစ်များ

2 CHANCHIN SUINA 25:9

Amazia chun Pathien mi kuoma chun, “Anleh, Israel sipaihai kuoma tangka talent za ka lo pêk ta chu ieng tin am thâwng ei ti leh?” a ta. Pathien mi chun, “Hi nêka tam khawm hi pe ding chein Lalpa chu a thei a nih,” tiin a dawn a.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

THUVARHAI 10:22

Lalpa malsâwmna chun a siem hausa a, Chutaka chun lungngaina a belsa nawh.

THUVARHAI 11:24

Semdar raka pung deu deu si a um a, Mamaw tâwk bâk inro tlata tlasam si a um bawk a.

THUVARHAI 28:27

Mi pase kuoma petu chu tlasam ngai naw ni a, A mithai insimsan el hlaktu ruok chun ṭawngsie tamtak phur a tih.

THUVARHAI 3:9

I thilneia chun Lalpa chu inza la, I hlâwkna po po rahmasahaia le chun,

HAGGAI 2:8

Tangka chu ka ta a na, rângkachak khawm chu ka ta a nih, sipaihai Lalpa chun a tih.

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chutaka chun mi fie ro, sipaihai Lalpa chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hle a.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 13:3

Krista chun keimaa thu a hril hlak ti hi infie in nuom leiin. Ama chu nangni tieng a hrâtnaw a ni naw a, thil thawtheitak a ni lem a nih.

2 KORINTH 8:19

Chuong chau khawm chu a ni naw a, Lalpa ropuizie le kan inzozie inentir dinga a rawng kan ibâwl hi lunginsietna thua hin keini le khuo fang ve dingin kohranhai iruot ve hrim a ni bawk a.

2 KORINTH 8:2

khânga rinuma fiena nasatak puma an hlimna a liem le an rimsikna nasatak chu an tiktlaina nasataka ân chang tâkzie kha.

2 KORINTH 8:7

Chuongchun, iengkim ringna dâm, thu hril thiemna dâm, hrietna dâm, ṭhahnemngaina po po dâm, in mi hmangaina dâm, in hau ang hin, chu lunginsietna khawm chu in hau theina dingin taimâk suo ro.

2 KORINTH 9:11

Tiktlaina tinrêng, keini leiin Pathien kuoma lâwmthu hrilna siemtu chu nei dinga iengkima sukhausakin um in tih.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

EPHESI 3:20

Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

PHILIPPI 4:11

Ka tlâksamna thu hril chu ka ni naw a, a kei chu ieng ang khawmin um lang lungawi pei ka chîng ta si a.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

2 THESSALONIKA 2:17

in lungrilhai chu sukthlamuongin, thil thaw ṭha le thu hril ṭha tinrêngin sukdet raw se.

2 TIMOTHE 2:21

Chuleiin, miin chuong thilhaia inthawk ân siekieng chun, bêl inthieng, Lalpa hmang tlâk, sin thaw ṭha tinrênga in zosa, ngaihlut ding mi nîng a tih.

2 TIMOTHE 3:17

Pathien mi chu, sin ṭha tinrêng thaw dinga kimtaka inthuomin, a famkim theina dingin.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

TITA 3:14

Ei mipuihai chu an ni tin mamawhai hmu theina dingin thilṭha thaw pei dingin inchûktir la, râ insuo thei lova an um nawna dingin.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

1 PETER 4:10

mi tinin, Pathien lunginsietna tinrêng enkawltu ṭha angin, Pathien thilpêk an dawnghai taphawt chu hmangin rawng inbâwl tuo seng ro.