2 KORINTH 9:7 - Pathien Lekhabu Inthieng (BSI)

⁷ Mi tinin inro puma pe lovin, pêk naw thei naw anga ngaia pe bawk lovin, an lungrila an tum ang peiin pe seng raw se; Pathien chun hlimtaka petu chu a nih a hmangai chu.

2 KORINTH 9:7 ပူးပေါင်းရင်းမြစ်များ

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

1 CHANCHIN SUINA 29:9

Chun, mipuihai chu phaltaka an inhlân lei chun an hlim a, lungril tluongtaka Lalpa kuoma an inhlân lei chun; chun, lal David ngei khawm chu namênin a lâwm naw a.

FESUOKNA 25:2

“Israel mihai kuoma chun hril la, ka ta dingin thilpêk dâwl raw hai se; mi tin an lungrila inhâwktaka petuhaia inthawk chun ka ta dinga thilpêk chu in lâk ding a nih.

FESUOKNA 35:5

‘Nangni lai Lalpa kuoma thilpêk ding dâwl ro, mi tukhawm lungrila pêk inhâwkna nei chun Lalpa kuoma thilpêk chu hung chawi sienla, rângkachak, tangkaruo le dârsen:

THUVARHAI 11:25

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

THUVARHAI 22:9

Mi tiktlâi chu malsâwmin um a tih, Mi pase kuomah a bei chu a pêk si a.

ISAI 32:5

Mi suol chu mi tiktlai ti nâwk ta naw ni hai a, mi vervêk chu mi inzaum ti nâwk ta bawk naw hi hai.

ISAI 32:8

Mi tiktlai ruok chun tiktlaina thil tieng chu a ngaituo hlak a; chuongchun, tiktlaina tieng thilahai chun um zing a tih.

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhangpui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:8

mi infuitu khawma infui raw se; thil petu khawmin inro lovin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

DÂN PAHNINA 15:14

in berâm ruol laia mi dâm, in hrizâwla mi dâm, in uoiin sâwrna khura mi dâm chu inrolotakin in pêk ding a nih; Lalpa in Pathienin mal a sâwm dân ang pei cheuin in pêk ding a nih.

PHILEMON 1:14

nisienlakhawm, i lungsietna chu lunginsiet luitir ang ni lovin, i thu ang a ni thei lemna dingin i thu naw chun iengkhawm ka thaw nuom nawh.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.

1 PETER 4:9

Chier lovin intlung tuo unla,