2 KORINTH 8:7 - Pathien Lekhabu Inthieng (BSI)

⁷ Chuongchun, iengkim ringna dâm, thu hril thiemna dâm, hrietna dâm, ṭhahnemngaina po po dâm, in mi hmangaina dâm, in hau ang hin, chu lunginsietna khawm chu in hau theina dingin taimâk suo ro.

2 KORINTH 8:7 ပူးပေါင်းရင်းမြစ်များ

MATTHAI 25:22

Chun, talent hni dawngtu khawm chu a hung a, ‘Pu, nangin talent hni i mîn kawltir kha, en ta, talent hni dang ka sukdawk,’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:14

Chun, ka unauhai, nangni chungthu chu, nangni ngei ṭhatnain in sip a, varna tinrêng in haua, in inkâwk tuo thei ti kei ngei khawmin indiktakin ka hriet.

1 KORINTH 1:5

Iengkimah, thu hril tinrêng le hrietna tinrêngah amaa chun sukhausaa in um thua khan;

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah baptisin ei um seng si a. Thlarau pakhat chau bawk a mîn dâwntir bawk a.

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 KORINTH 13:8

Hmangaina hi iengtik khawm bo naw ni a; amiruokchu, thuhrilna dâm hi um sienla khawm suktâwp la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.

1 KORINTH 14:12

Chuongchun, nangni khawmin, thlarau thilpêk chungah ṭhahnem in ngai leiin kohran siemṭhat theina dinga in hausak theina dingin zawng ro.

1 KORINTH 4:7

Nang tûin am a sukdanglam chuong che a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?

2 KORINTH 7:7

a hungna chau chun a ni naw a, in lunginlêngzie dâm, in ṭapzie dâm, ka chunga in ṭhahnemngaizie dâm a mi hrilin, nangnia a thlamuongna khawm chun a mi thlamuong ta a nih; chuongchun, ka lâwm nâwk zuol ta a.

2 KORINTH 8:6

Chuongchun, inhmaa an lo thaw ṭan ta lei khan hi lunginsietna khawm hi nangnia thaw zo nghâl dingin Tita chu kan ngên ta rau a.

2 KORINTH 9:14

Anni ngei khawmin in chungah Pathien lunginsietna a nasa bêk bêk leiin, in ta dinga ṭawngṭai pêk zing cheuin an ngai hle cheu a nih.

2 KORINTH 9:8

Chun, Pathienin lunginsietna tinrêng in chungah a vur thei a nih; chuongchun, nangnîn iengkimah a hun zet nei rawpin, sin thaw ṭha tinrênga dingin hau thei in tih;

EPHESI 4:29

Thu ṭhanaw hrim in bauah suok naw sien la, a ṭul zie ang peia siem ṭha dingin thu ṭha suok lem raw se, a ngaituhai dingin lunginsietna a hung ni theina dingin.

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.

PHILIPPI 1:9

In hmangaina chun hriet famkimna le bengvârna tinrêng a hau nâwk zuolna dingin ka ṭawngṭai hlak hi;

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol si a.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,