2 KORINTH 8:3 - Pathien Lekhabu Inthieng (BSI)

³ An theitâwk ang peiin, anih, an theitâwk nêka nasa lemin anni thu thuin an pêk ti ka hrietpui a nih:

2 KORINTH 8:3 ပူးပေါင်းရင်းမြစ်များ

1 CHANCHIN SUINA 29:9

Chun, mipuihai chu phaltaka an inhlân lei chun an hlim a, lungril tluongtaka Lalpa kuoma an inhlân lei chun; chun, lal David ngei khawm chu namênin a lâwm naw a.

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

FESUOKNA 35:29

Israel mihai pasal tin le nuhmei tin an lungrila pêk nuomna neihai chun Lalpain Mosie hmanga thu a pêk tah sin po po thâwnaa dingin anni nuomthua Lalpa ta dinga thilpêk chu an hung pêk a.

FESUOKNA 35:5

‘Nangni lai Lalpa kuoma thilpêk ding dâwl ro, mi tukhawm lungrila pêk inhâwkna nei chun Lalpa kuoma thilpêk chu hung chawi sienla, rângkachak, tangkaruo le dârsen:

MARKA 14:8

A thaw thei ang tâwk a thaw a nih; ka taksa hi phûm dingin a lo nâl lâwk a ni hi.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:2

Pathien tieng ṭhahnem an ngai ti ka hrietpui a nih, hrietna indiktak leia ṭhahnemngaina ruok chu a ni nawh.

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

1 KORINTH 9:17

Chu chu mâni ditthlangnaa ka thaw chun lâwmman ka nei a nih; nisienlakhawm, mâni ditthlangna lei a ni si naw chun Chanchin Ṭha enkawlna sin hi inkawltir el nîng ka tih.

GALATI 4:15

Vângnei in intina kha khâwlai am a um ta a? Thaw thei ruol chu ni lem sien la, nangnîn in mithai kheldawkin mi pe tâng in tih ti ka hriet pêk cheu in sawnnaw.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.

KOLOSSA 4:13

Nangni ta ding dâmin, Laodikeia umhai ta ding dâmin, Hierapolia umhai ta ding dâmin ṭhahnem a ngai bêk bêk ti ka hrietpui a nih.

1 THESSALONIKA 2:8

Chuong ang bawkin, kan dit zâwng tak in hung ni ta lei khan, kan dit ngawi ngawi cheu a, Pathien Chanchin Ṭha chau ni lovin kan hringna rau khawm pêk cheu kan inhuom kha.

PHILEMON 1:14

nisienlakhawm, i lungsietna chu lunginsiet luitir ang ni lovin, i thu ang a ni thei lemna dingin i thu naw chun iengkhawm ka thaw nuom nawh.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni lovin, Pathien thu anga inhâwk pum lemin, hlêpna tirdakum dit lei ni lovin, lungrila inhâwktak lemin,