2 KORINTH 8:10 - Pathien Lekhabu Inthieng (BSI)

¹⁰ Chuongchun, chutaka chun ka ngaidân ang a nih ka hril, chu chu in ta dingin a ṭha si a, kum khat a ni ta a, a phut hmasatuhai in na, in thaw phut chau khawm ni lovin a thaw nuom hmasatak khawm in ni kha.

2 KORINTH 8:10 ပူးပေါင်းရင်းမြစ်များ

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

MATTHAI 10:42

Chun, tukhawm hieng mi chîntak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

JOHAN 11:50

Ei hnam pumpui bohmang nawna dingin, mipui aia mi pakhat thi ei ta dingin a ṭhalem ti in hriet phak naw a nih,” a ta.

JOHAN 16:7

“Nisienlakhawm, thu indiktak ka hril cheu hi, ka fe in ta dingin a ṭha; ka fe naw chun Thlamuongtu chu in kuomah a hung naw ding a ni si a; kei ka fe ruok chun in kuomah hung tir ka tih.

JOHAN 18:14

Kaiapha chu, “Mi po po aia mi pakhat thi a ṭha,” tia Judahai rawtpuitu kha a nih.

1 KORINTH 10:23

Thil iengkim thaw a thieng a; nisienlakhawm, thil iengkim thaw a ṭha kher nawh. Thil iengkim thaw a thieng a; nisienlakhawm, thil iengkim thawin a mi siem ṭha kher nawh.

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

1 KORINTH 6:12

Thil iengkim thaw ka ta dingin a thieng a; nisienlakhawm, thil iengkim thaw a ṭha kher nawh; thil iengkim thaw ka ta dingin a thieng a; nisienlakhawm, ieng thu hnuoia um khawm kân phal nawh.

1 KORINTH 7:25

Chun, nunghâk inthieng tieng thua ruok chun Lalpa thupêk hrim ka nei naw a; nisienlakhawm, ringuma um dinga Lalpa kuoma inthawka lunginsietna hmu ka ni leiin ka ngaituo ang hril ka tih.

1 KORINTH 7:40

Nisienlakhawm, keia ngai chun, a um ngaia a um zing chun hamṭha lem a tih; kei khawm Pathien Thlarau chu nei ve bawkin kân ring a nih.

2 KORINTH 12:1

Ka suong hrim hrim ding a nih, ṭhat chu a ṭha naw a, nisienlakhawm, Lalpa kuoma inthawka inlârna le inhriettirna thu hril kai pei el ka tih.

2 KORINTH 8:6

Chuongchun, inhmaa an lo thaw ṭan ta lei khan hi lunginsietna khawm hi nangnia thaw zo nghâl dingin Tita chu kan ngên ta rau a.

2 KORINTH 8:8

Thupêk tiengin ka hril naw a, mi dang ṭhahnemngainain in hmangaina takzie khawm chu infie dingin ka hril lem a nih.

2 KORINTH 9:2

inzosa zinga um in nih ti ka hriet si a, chu kawng thua chun, “Kum khat a ni tah, Akaia ram chu inbuotsaiin an um tah,” tiin Makedonia rama mihai kuomah ka suong hlak cheu a; chuongchun, in ṭhahnemngaina chun anni laia mi tamtak a chawkhar ta a.

PHILIPPI 4:17

Thilpêk chu zawng ka ni naw a, ra nangni tienga pung ding chu zawng ka ni lem.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.