2 KORINTH 7:11 - Pathien Lekhabu Inthieng (BSI)

¹¹ Chuongchun, hi thil hi inchik ro: Pathien dit zâwnga suklungngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang ta a.

2 KORINTH 7:11 ပူးပေါင်းရင်းမြစ်များ

NEHEMIA 13:25

Chun, anni chu ka khak tâwl a, ṭawngsie kân phur a, ṭhenkhat lem chu ka vuok a, an sam dâm ka kei phawipêk a, an naunuhmeihai chu chuong naupasalhai chu inneitir lo ding le, chuonghai naunuhmeihai chu an naupasalhai ta dingin amanih, anni ta ding khawma nei lo dingin Pathien sâlin ṭawng kân khâmtir a.

JOB LEKHABU (THE BOOK OF JOB) 42:6

Chuleiin, kei le kei kân theida a, kân sîr a nih, Vuthai lai le pilvut laia ṭhungin,” tiin.

INPÂKNA HLABU 119:139

Ka ṭhahnemngaina hin a mi sukbohmang ta a, A mi dotuhaiin i thu an theinghil leiin.

INPÂKNA HLABU 130:6

Vêngtuhaiin khawvar an thlîr nêka nasain, Anih, vêngtuhaiin khawvar an thlîr nêka nasa hmanin, Ka hringna hin Lalpa chu a thlîr zing hlak a nih.

INPÂKNA HLABU 145:19

Ama ṭituhai dit chu inhlawtlingtir a ta, An khêkri chu hrieng a ta, anni sandam a tih.

INPÂKNA HLABU 2:11

Ṭi pumin Lalpa rawng bâwl unla, Inthin pumin lâwm ro;

INPÂKNA HLABU 35:13

Kei ruok chu, an damnaw lai chun ka silfên chu saiip a na, Ka hringna hi bu ngheiin ka suk rimsi si a; Lungse taka kûnin ka ṭawngṭai a,

INPÂKNA HLABU 38:9

Lalpa, ka dit zâwng po po hi i hmaah a um vawng a; Kân rûm khawm hi i kuoma chun thup a ni nawh.

INPÂKNA HLABU 42:1

Sakhi vadungte tui châka ân thuok hlawp hlawp angin, Aw Pathien, ka hringna hi nangma châkin ân thuok hlawp hlawp a nih.

INPÂKNA HLABU 69:9

I ina ka ṭhahnemngainain a mi fâk zo a, Nangma hrilsetuhai hrilsietnahai chu ka chungah a tla zo tah.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 28:14

Lalpa ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

HLAHAI HLA 8:6

I lungril chunga chun inchikna ang le, I bân chunga chun inchikna angin mi sie la; Hmangaina chu thina ang elin a hrât si a; Itthîkna chu thlân ang ela rilo a na; A chawkhai chu meichawk a na, Lalpa meichawkhai ngei chu.

ISAI 26:8

Anih, Aw Lalpa, i rorêlna lampuia chun kan nghâk zing che a, kan hringna dit zâwng chu i hming tieng le i hriet zingna tieng hi a nih.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

DANIEL 6:14

Chun, lal chun hieng thu hi a hriet phingleh nasatakin a lungni ta naw a, Daniel chu sansuok dingin a lungril chu a fu ta tlat a; nisa tlâk hmakhat chun sansuok thei dan ding nasatakin a ngaituo a.

MARKA 3:5

Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam ta a.

JOHAN 2:17

Chun, a inchûktirhai chun, “I ina ka ṭhahnemngainân mi fa zo a tih” ti ziek a nih ti an hriet nâwk ta a.

THILTHAWHAI 17:16

Chun, Paulain Atheniah anni chu a lo nghâk laiin, khuo chu Pathien lima sipin a hmu a, a lungril a lunginzîng ta hle a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:18

Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:5

Nisienlakhawm, ei fel nawnahai hin Pathien felna chu a suklang mawi zuol si chun ieng am hril ei ta? Pathienin mi a hrem hin, mi fel lo a ni am a nih? (Mihriem dân takin hril ta inla).

1 KORINTH 12:25

taksaa hin inṭhena hrim um lova, pênghai hin inangtaka an inbuoipui tuo seng theina dingin.

1 KORINTH 5:13

Nangniin sûngtienga mi in ngaituoin puotienga mihai ruok chu Pathienin a ngaituo hlak a ni naw am a nih? chu mi suol chu nangni laia inthawkin hnawt dawk ro.

1 KORINTH 5:2

Chun, chuong thil thawtu chu nangni laia inthawka hnawtdawk dinga lungngai nêk hmanin in uong lem si a.

2 KORINTH 13:7

Chun, thil hrim hrim in suksuol nawna dingin Pathien kuomah kan hni hlak a, chu chu keini hi dituma kan inlang theina ding a ni naw a, nangniin a mawi mawi in thaw theina dingin a ni lem; keini chu dit naw angin um inlang khawm.

2 KORINTH 2:6

Chuong ang mi chu mi tam lemin in hrem chu a huntâwk.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

2 KORINTH 7:7

a hungna chau chun a ni naw a, in lunginlêngzie dâm, in ṭapzie dâm, ka chunga in ṭhahnemngaizie dâm a mi hrilin, nangnia a thlamuongna khawm chun a mi thlamuong ta a nih; chuongchun, ka lâwm nâwk zuol ta a.

2 KORINTH 7:9

Tuhin chu ka lâwm a nih, suklungngaia in um lei a ni naw a, simna dinga in lungngai leiin a ni lem a nih, keia leia iengkhawm in chân nawna dingin, Pathien dit zâwnga suklungngaiin in um si a.

2 KORINTH 9:2

inzosa zinga um in nih ti ka hriet si a, chu kawng thua chun, “Kum khat a ni tah, Akaia ram chu inbuotsaiin an um tah,” tiin Makedonia rama mihai kuomah ka suong hlak cheu a; chuongchun, in ṭhahnemngaina chun anni laia mi tamtak a chawkhar ta a.

EPHESI 4:26

Lunginsen unla khawm a suol ruok chu suol naw ro; in lungsen chu nisain tlâkpui naw raw se:

EPHESI 5:11

Chun, inthim thilthaw ra nei ngailohaia chun ṭhangna hrim nei naw ro, ṭhang nêk hmanin a thiemnawzie inhriettir lem ro;

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni lovin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.

1 TIMOTHE 5:20

Thil suksuoltuhai chu mi po po hmaah kâwk rawh; mi dang khawma an ṭi ve theina dingin.

2 TIMOTHE 2:15

Sinthawtu mâni sinthaw inzâpui ngai nawtu angin, Pathien thutak indiktaka inchûktirin, Pathien pawm tlâka um dingin i theitâwp suo rawh.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

JUDA 1:23

ṭhenkhat meia inthawkin la suok vak unla, sandam ro, ṭhenkhat, an tisa inthiengnaw kaina silfên chen khawm chu tirdakin, ṭit pumin lunginsiet ro.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.