2 KORINTH 6:6 - Pathien Lekhabu Inthieng (BSI)

⁶ inthiengnaa dâm, hrietnaa dâm, dawtheinaa dâm, ngilneinaa dâm, Thlarau Inthienga dâm, hmangaina taktaka dâm;

2 KORINTH 6:6 ပူးပေါင်းရင်းမြစ်များ

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang lovin ni raw se. Suol tieng chu theida unla, ṭha tieng chu pawm tlat ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thilthawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chenin, Krista Chanchin Ṭha chu ram tinah ka hril kim ta a;

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

1 KORINTH 13:4

Hmangaina chu a dawthei a, ngil a nei a, hmangainain a îtthîk naw a; hmangaina ama le ama ân pak ngai naw a, a uong naw a,

1 KORINTH 2:16

Tûin am Lalpa lungril hre taa ama inchûktir thei ding? Eini ruok chun Krista lungril ei put a nih.

1 KORINTH 2:4

Ka ṭawngbau suok le ka thu hrilhai chu thu vara thlêmna thu a ni naw a, Thlarau le thilthawtheina inhriettirin a ni lem kha;

2 KORINTH 1:23

Nisienlakhawm, ka thlarau chunga hretu dingin Pathien ka ko a nih, nangni hla ding cheuin a nih Korinth khuoa ka hung ta naw.

2 KORINTH 11:11

Ieng leiin am? Ka lunginsiet naw lei cheu am a nih? Ka lunginsiet zie cheu chu Pathienin a hriet.

2 KORINTH 11:4

Mi dang hungin Isu dang, a thu kan ihril ngai naw a hril a, thlarau danglam in la dawng ngai naw in dawngin, chanchin ṭha dang in ilâwm ngai naw chu in lâwmin in ngaithei pei el a ni maw?

2 KORINTH 11:6

Thu hrila chu ṭawng hmang thiem naw lang khawm hrietnaa chun chuong chu ka ni naw a; chu chu iengkima fietakin nangni tieng kan inlangtir kha.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 13:10

Chuleiin, sukse ding ni lova, siem ṭha ding lema Lalpain thuneina a mi pêk ang pei khan, in kuoma ka um pha nataka ka kâwk nawna ding cheuin in kuoma ka um naw lai hin hieng thu hi ka ziek a nih.

2 KORINTH 2:10

Ieng kawnga khawm mi in ngaidam taphawt chu, kei khawmin ka ngaidam ve a; kei khawma ka ngaidam tasa chu, iengkhawm ka ngaidam ta chun, nangni leiin Krista hmaa chun ka ngaidam tah a nih;

2 KORINTH 2:4

Mitthli tamtak tla pumin, lungril rinum le thlaphângtaka ka ziek a ni kha; chu chu suklungngaia in umna ding a ni naw a, in chunga hmangaina nasa nâwk zuol ka nei hi in hriet theina lem dingin a nih.

2 KORINTH 3:3

Krista lekha, keini a mîn ziektir, lekhatuia ziek nilo, Pathien hring Thlaraua ziek lem, lung phêka ziek ni lova, mihriem lungril phêkhaia ziek lem chu in nih, ti chiengtaka inlangtir a ni si a.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 KORINTH 7:2

In lungrilah hmun mîn kien ro; tu chunga khawm kan suksuol ngai naw a, tûkhawm kan sukkhawhlo naw a, tûkhawm kan tlâkkhal nawh.

GALATI 3:2

Hi chau hi in kuoma inthawkin lo hriet ka nuom: Dân thilthawhai leiin am Thlarau chu in hmu a, in ngaithlâka in ring leiin? Hieng lâwm hin in invêt a ni maw?

GALATI 3:5

Chun, in kuoma Thlarau petu cheu le nangni laia thilmak thawtu chun Dân thilthawhai leiin am a thaw a, in ngaithlâka in ring leiin?

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 3:4

Kha lei khan in tiemin, Krista thurûk ka hriet zie hi hre thei in tih.

EPHESI 4:2

inngaitlâwmna le thuhnuoirawlna po po neia, hmangainaa indâwtuo puma dâwtheina neia,

EPHESI 4:32

Chun, inlunginsiet tuoa, lainatna neiin um unla, Pathienin Kristaa a ngaidam ang bawk cheuin inngaidam tuo ro.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 2:3

amaa chun varna le hrietna ro po po thupin a um si a.

KOLOSSA 3:12

Chuongchun, Pathien mi thlang, mi inthieng le dittakhai angin inlainatna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

1 THESSALONIKA 2:10

Nangni ringtuhai chungah inthiengtak le feltak le, demum lotaka kan umzie kha Pathien leh a mi hrietpuituhai in nih;

1 TIMOTHE 4:12

I naupangna tûkhawmin ngainêp naw raw hai seh, thu hril kawnga dâm, chângzie kawnga dâm, hmangaina kawnga dâm, ringna kawnga dâm, inthiengna kawnga dâm, ringtuhai sukhmutu ni lem raw khai.

1 TIMOTHE 5:2

pitar deuhai chu nu angin, nunghâkhai chu inthiengtakin farnu angin.

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.

TITA 2:7

Iengkimah thil ṭha thaw kawnga sukhmutuah insuklang la, în chûk-tirnaa chun, i takzie dâm, în zâumzie dâm,

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

1 PETER 1:12

Chuong thu chun mani rawng inbâwl lovin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 JOHAN 3:18

Nauhai, thu chauin inhmangai nâwm ei niu, lei chauin inhmangai naw bawk ei tiu; thilthaw le titakzetin ni lem raw se.

RORELTUHAI 16:15

Chun, a kuomah, “I lungril hi i mi pêk hlek si naw a, iengtiziea, ‘Ka hmangai che,’ ti thei am i ni leh? Hi ṭum thum rau i mi hlêmna i suklang ta a, i hrât vieuna san hi i mi la hril dêr da el a” a ti a.