2 KORINTH 6:5 - Pathien Lekhabu Inthieng (BSI)

⁵ vuoknaa dâm, lungin intângnaa dâm, buoinaa dâm, sininrimnaa dâm, intheinawnaa dâm, bu ngheinaa dâm,

2 KORINTH 6:5 ပူးပေါင်းရင်းမြစ်များ

1 LALHAI 22:27

chun, lalin hieng ang hin a tih, ‘Hi mipa hi lung inah khum unla, lungmuongtaka ka hung nâwk hmakhat chun rinumna tui lo pe ro,’ tiin, ti ro,” a ta.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum ta a; hi thil lei hin ama chunga chun a lunginsen si a. Chun, Asa chun chuong lai chun mi ṭhenkhathai chu a lo nêksawr hle bawk a.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tla a , a vuokna invuolhaia sukdamin ei um tah.

JEREMIA 33:1

Chu nawa khawm vêngtu kulbînga khârkhum a ni sûng chun a vawi hninaah Jeremia kuoma chun Lalpa thu chu a hung tlung a:

JEREMIA 38:6

Chuongchun, Jeremia chu an man a, lal naupa Malkija khurthim, vêngtuhai kul sûnga uma chun an sie lût ta a; chuongchun, Jeremia chu khuopnahai le chun an infe thlâktir ta a. Chun, chu khurthim sûnga chun chirhak ti chau naw chu tui khawm a um naw a, chuongchun, Jeremia chu chirhaka chun ân chie ta a.

EZEKIEL 3:17

“Mihriem naupa, Israel sûngkuo vêngtu dingin ka siem che a nih: chuleiin, ka baua thu chu ngai la, keimaa inthawkin vaulâwkna chu pe rawh.

MATTHAI 14:10

chuongchun, mi a tir a, intângna ina Johan lu chu ân tantir a.

MATTHAI 14:3

Herod chun a unaupa Philip nuhmei Herodi leiin Johan chu a man a; a khuop a, intângna ina a khum tah a ni a;

MATTHAI 9:15

Isûn an kuomah, “Mo ṭhuoituhai kuoma a pasal ding chu a um sûng phawt chun mo ṭhuoituhaiin an sûn thei am a nih? Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu pha ruok chun la nghei an tih.

THILTHAWHAI 13:3

Chuongchun, bu nghei a, an ṭawngṭai zo chun an chungah kut an innghat a, an infetir ta a.

THILTHAWHAI 14:19

Nisienlakhawm, Antiokei le Ikonioma mi Juda tuhai amanih chutaka chun an hung a, mipuihai chu an zâwr thlûk ta a; chuongchun, Paula chu lungin an dêng a, thia an ring leiin khuoa inthawk chu an hnûk dawk ta a.

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 17:5

Nisienlakhawm, Judahaiin an huphur a; dâwr hmuna mi suol thabo tuhai amanih an kuomah an ṭhuoi a, mipui an ko khâwm a, khuo po po chu an chawkbuoi a, Jason in an hung ṭhâwng a, vântlâng laia ṭhuoi suok tumin.

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

THILTHAWHAI 23:10

Chun, an insêl nasa deu deu leiin, sipai hotu laltak chun Paula an kei nâwi a ṭi a, sipaihai kuomah, zu fea anni laia inthawka kulbînga hung ṭhuoi lût el dingin a ta.

THILTHAWHAI 23:35

“A hêktuhai che an hung tlung phingleh, i thupawi ngaituong ka tih,” a ta. Chun, Herod inah vêng ding thu a pêk a.

THILTHAWHAI 24:27

Chun, kum hni ân vawi hnungin Porkia Festain Felik chu a thleng ta a; Felik chun Judahai laia hmingṭhat a nuom a, Paula chu khuop sain a mâksan ta a.

THILTHAWHAI 26:10

Chuongang chu Jerusalemah ka thaw bawk hlak; chun, thiempu lalhai kuomah thu ka hmu a, mi inthienghai laia mi tamtak intângna inah ka khum bawk hlak a; chun, an sukhlum laiin sukhlum remti tieng ka ṭhang bawk hlak a.

THILTHAWHAI 26:29

Paula chun, “Sâwt sienla, sâwt naw sienla, nang chau ka ti naw a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve lovin,” a ta.

THILTHAWHAI 28:30

Chun, Paula chu kum hni pumhlûm ama in hawah a um a, a kuoma lût taphawt a lâwm hlak a,

THILTHAWHAI 5:18

tirkohai chu an man a, vântlâng intângna inah an khum ta a.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 4:11

Tu chen khawm hin, kan phîng a ṭâmin kan dang a châr a, silfên kan khawp naw a, mi kut inthak nûlna kan na, umna bulbâl kan nei naw a,

1 KORINTH 7:5

Ṭawngṭai dinga in inpêk theina ding le in inpâwl nâwk theina dingin sâwt nawtê kâr dinga rem in ti ve ve chau naw chun atu tu khawm insukdâwng naw ro, chuong naw chun, in insûm zo naw leiin Setanin thlêm a ti cheu.

2 KORINTH 11:27

sâwlnaa le sininrimnaahai, intheinawnaahai vawi tamtak, phîngṭâm le dangchârnaahai, bungheinaahai vawi tamtak, khawsik le saruoka umnaahai dâm ka um hlak.

EPHESI 3:1

Chuleichun, kei Paula, nangni Jentailhai leia Krista Isu mi intâng hin.

DÂN PAHNINA 25:3

Vawi sâwmli chena vuok thei nîng a ta, chu nêka tam lem chu ni lovin; hi nêka tam lem vuok chun in unau chu muolpho taluo rawi a tih.

PHILIPPI 1:13

Chuongchun, ka kawl bunnahai hi Praitorian sipai pâwl po po lai le mi dang po po kuoma chun Krista lei a nih ti ân lang suok tah.

1 THESSALONIKA 2:9

Unauhai, kan thaw sâwlzie le kan sin inrimzie kha in hriet zing deh! nangni laia tûkhawm kan sukkhâwk nawna ding cheuin a sûn a zâna sin thawin, Pathien Chanchin Ṭha kan hril hlak cheu kha.

1 TIMOTHE 4:10

Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

2 TIMOTHE 1:8

Chuongchun, ei Lalpa thu inhriettirna chu inzâpui naw la, ama mi intâng kei khawm hi mîn zâpui bawk naw rawh. Chanchin Ṭha leia rinum hi Pathien thilthawtheina ang angin mi tuorpui lem rawh.

2 TIMOTHE 2:9

Chu Chanchin Ṭha lei chun thil suksuoltu angin khuop hiel khawpin rinumhai ka tuor hlak a nih; nisienlakhawm, Pathien thu chu khuopin a um si nawh.

2 TIMOTHE 4:5

Nang ruok chu iengkimah fimkhur la, rinum tuor la, Chanchin Ṭha hriltu tieng sin thaw la, i rawngbâwlna kha hlen rawh.

HEBRAIHAI 11:36

Mi dang khawmin suknawmnat le vuokhai an tuor a, anih, chu naw khawm chu kawlbun le intângna ina khum dâm an tuok bawk a,

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.

HEBRAIHAI 13:23

Ei unaupa Timothe kha an insuoktir tah ti lo hre ve ro, a hung inhma deu chun, ama leh hung hmûng kan ti cheu.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.