2 KORINTH 6:18 - Pathien Lekhabu Inthieng (BSI)

¹⁸ In ta dingin Pa nîng ka ta, Nangni khawm keia ta dingin naunu naupa ning in tih,” Lalpa iengkimthawthei chun a tih.

2 KORINTH 6:18 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 48:3

Chun, Jakobin Josef kuomah, “Pathien Iengkimthawthei chu Kanaan rama Luz-ah ka kuomah ân lâr a, mal a mi sâwm a, ka kuomah,

2 SAMUEL 7:14

A pa nîng ka ta, ama chu ka naupa nîng a ta, thil a suksuol chun mihriem nauhai hmawl le mihriem nauhai vuoknain thunun ka ta;

1 CHANCHIN SUINA 17:13

A pa nîng ka ta, ama chu ka naupa nîng a tih; i hmaa umpa kuoma inthawka ka lâk hmang ang khan amaa inthawk chun ka zângaina chu la hmang naw ningah;

INPÂKNA HLABU 22:30

Chi inthlain a rawng bâwl an ta, Ṭhangthar hung um nâwkhai kuoma chun Lalpa chanchin chu la hril an tih.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 31:1

Lalpa chun, “Chu pha chun Israel pahnam po pohai Pathien chu nîng ka ta, anni chu ka mihai nîng an tih,” a tih.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

JOHAN 1:12

Nisienlakhawm, ama lo lâwma a hming ringtu taphawthai kuomah chun, Pathien nauhai ni theina ding a pêk.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:19

Thilsiemhai chun beiseitakin Pathien nauhai hung inlangna chu an nghâkhla hle si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

GALATI 3:26

Isu Krista ring leiin Pathien nauhai in ni vawng si a.

EPHESI 1:5

Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk ta a,

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 21:22

Chun, a sûnga chun biekin hrim ka hmu naw a; Lalpa Pathien Iengkimthawthei le Berâmte chu an biekin an ni si a.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.