2 KORINTH 6:16 - Pathien Lekhabu Inthieng (BSI)

¹⁶ Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

2 KORINTH 6:16 ပူးပေါင်းရင်းမြစ်များ

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? Lalpa chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

INPÂKNA HLABU 90:1

Lalpa nang chu suon po po chena kan umna i ni hlak,

FESUOKNA 20:3

Kei naw chu pathien danghai i nei ding a ni nawh.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

FESUOKNA 25:8

Chun, hmun inthieng mi siempêk raw hai se, anni laia ka um zing theina dingin.

FESUOKNA 29:45

Israel mihai lai chun um zing ka ta, an Pathien nîng ka tih.

FESUOKNA 34:14

pathien dang hrim i biek ding a ni nawh, Lalpa, a hming el khawm ‘Thîkthusie’ chu Pathien thîkthusetak a ni si a.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 31:1

Lalpa chun, “Chu pha chun Israel pahnam po pohai Pathien chu nîng ka ta, anni chu ka mihai nîng an tih,” a tih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

EZEKIEL 11:20

Ka thuruothaia an fe theina ding le, ka dânhai chu an kawl a, an thaw theina dingin; chun, ka mihai hung nîng an ta, kei khawm an Pathien nîng ka tih.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

EZEKIEL 36:28

In thlatuhai kuoma ram ka pêka chun chêng in ta, nangni chu ka mihai nîng in ta, kei khawm in Pathien nîng ka tih.

EZEKIEL 43:7

ka kuoma chun, “Mihriem naupa, hi hi ka lalṭhungpha hmun le ka kehai innghatna hmun, Israel thlahai kuoma chatuona ka chêngna ding chu a ni hi. Israel sûngkuo chun ka hming inthieng chu sukpawrche ta naw ni hai a, anni khawmin, an lalhai khawm, an hurnain amani, an bâwlhmunhaia an lalhai ruonghai khawmin amanih sukpawrche naw ni hai,

EZEKIEL 43:9

Tuhin an hurna le an lalhai ruonghai chu keimaa inthawka hlatakah sie hmang hai sienla, anni lai chun chatuonin chêng tâng ka tih.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

LEVI DÂN 26:12

Nangni lai chêng ka ta, in Pathien nîng ka ta, nangni khawm ka mihai nîng in tih.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

ZEKARIA 8:8

anni chu hung ṭhuoi ka ta, Jerusalem sûnga chun chêng an tih; chun, anni chu ka mihai nîng an ta, kei chu, felna le indiknain an Pathien nîng ka tih,” tiin.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

LUKA 5:36

Chun, an kuomah tekhithu khawm a hril a; “Tukhawmin puon thar kei thlain puon hlui an phâwk ngai nawh; phâwk ang sienla a thar chun sukthlêr a ta, a thar hlek le a hlui chu inhme bawk naw ni.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 6:56

Tûkhawm ka taksa faa, ka thisen dâwn chu, keimaah a um zing hlak, kei khawm amaah ka um zing hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:11

Nisienlakhawm, mithi laia inthawka Isu keitho nâwktu Thlarau kha nangniah a um chun, mithi laia inthawka Krista Isu keitho nâwktu khan nangnia um Thlarau zâra chun, in taksa thi theihai chu sukhring bawk a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:9

Chuongchun, Pathien Thlarau chu nangniah a chêng takzet a ni chun, tisaa um ni lovin, Thlaraua um in ni lem. Tukhawm Krista Thlarau nei naw chu ama mi a ni nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:26

Chun, hieng hi hung nîng a ta, an kuoma, ‘Ka mihai in ni nawh,’ tia an umna hmun ngeia chun, Pathien hring nauhai inbûkin um an tih,” tia a hril ang ngei khan.

1 KORINTH 10:21

Lalpa no le khawhri no dâwn kawp thei naw ti niu, Lalpa dawkâna le khawhri dawkâna chu fa kawp thei naw bawk in tih.

1 KORINTH 6:19

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni naw a,

EPHESI 2:20

Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

EPHESI 2:22

nangni khawm amaa chun, Thlaraua Pathien umna dinga rem khâwm in nih.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

DÂN PAHNINA 5:7

“Keima naw chu Pathien dang hrim hrim i nei ding a ni nawh.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

2 TIMOTHE 1:14

Thil ṭha i kuoma inkawltira um kha, ei sûnga Thlarau Inthieng um hin vawng ṭha rawh.

HEBRAIHAI 3:6

Krista ruok chu Pathien sûnghai chungah Naupaah ring a um a nih. A sûnghai chu eini hi ei nih, a tâwp chenin ei huoina le, ei beiseina suongum hi dettaka ei chel phawt chun.

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

JAKOB 4:5

Annawleh, “Thlarau einia ân chêngtir chun, thîk khawp hielin a mi dit a nih,” ti hi, Pathien Lekha Thuin iengkhawm ni lovin a hrilin in ring am a nih?

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.

1 JOHAN 4:15

Tûkhawm, “Isu hi Pathien Naupa a nih,” tia ṭan taphawt chu, amaa chun Pathien a um zing a, ama khawm chu Pathienah a um zing bawk a nih.

THUPUONGSUO 2:1

“Ephesia kohran tirko kuoma chun hieng hin ziek rawh: “ ‘A kut changtienga arasi pasari chawia, rângkachak khâwnvar siena pasari laia inlawn inlawn khan, hieng thu hi a hril a nih:

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.