2 KORINTH 5:15 - Pathien Lekhabu Inthieng (BSI)

¹⁵ Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

2 KORINTH 5:15 ပူးပေါင်းရင်းမြစ်များ

2 LALHAI 5:17

Chun, Naaman chun, “Chuong a ni naw leh, ka hni che hi, i siehlaw hi sabengtung lien chi phur hni pil mîn lâktir rawh, i siehlaw hin tuta hnung chu Lalpa kuoma chau naw chun inthâwina amanih, pumrawhmang thilinhlân amanih pathien dang kuoma hrim hrim kân hlân ta naw ding a ni si a.

EZEKIEL 16:6

Chun, i sîra ka khêl lai a, i thisena insukpawrche vawnga ka hmu chein, i kuoma chun, “I thisena khânga um kha ni la khawm, dam rawh,” ka ti a.

EZEKIEL 37:14

Nangnia chun ka thlarau chu sieng ka ta, hring in tih; chun, nangni ram ngeia chun sieng ka ti cheu a; kei Lalpa ngeiin ka lo hril ta a, thaw khawm ka thaw a nih, ti hre tâng in tih, Lalpa chun a tih, tiin,” a ta.

EZEKIEL 37:9

Chun, ama chun ka kuomah, “Thli kuomah thu hril la, mihriem naupa thu hril rawh, thli kuoma chun, Lalpa Pathien chun hieng hin a tih: ‘Aw thli, hnuoi kil lia inthawk chun hung la, hieng thata umhai chunga hin hung inthli rawh, an hring theina dingin,’ tiin,” a ta.

HABAKKUK 2:4

En ta u, a lungril chu a chapo a, amaa chun ân dik naw a nih, Mi fel ruok chu a ringna lei chun hring a tih.

ZEKARIA 10:9

Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.

LUKA 1:74

Chuongchun, ei hmêlmahai kuta inthawka mi sanhimin, ṭi lova a rawng ei bâwl theina ding le,

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

JOHAN 6:57

Pa hring zing chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:2

Teu lo e a! Eini suol tienga thi ta hnunghai iengtin am suolin la hring zing thei ei ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:6

Hieng hi ei hriet; ei mihriem hlui chu a kuoma hemdein a um ve tah, suol taksa chu sukboa a um theina dinga, tuta chen chu suol suoka ei um ta nawna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:10

Krista chu nangniah a um ruok chun, in taksa chu suolna leia thi khawm ni sien, Pathiena thiem changa um in ni leiin in thlarau chu a hring a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:6

Thlarau tieng thil dit ruok chu hringna le lungmuongna a nih;

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

2 KORINTH 12:10

Chuleiin, Krista leiin hrâtnawnaahai, sietnaahai, hnengdenaahai, suknawmnatnaahai, hnawchêpnaahai, ka lâwm hlak a nih; ka hrât naw po leh ka hrât hlak a nih.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 5:16

Chuleichun, tuta inthawk chu, mihriem en dânin tukhawm kan en ta nawh; inhma khan mihriem hriet dânin Krista lo hre ta inlang khawm, tuhin chu chuong ang chun kan hriet ta nawh.

GALATI 5:25

Thlaraua hring ei ni chun, Thlaraua ṭhuoi ang peiin um ei tiu.

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

KOLOSSA 2:12

Baptismaa chun a kuoma phûm in lo ni ve ta si a, chu bawka chun mithi laia ama keithotu Pathien sinthaw awi leia a kuoma keitho in ni ve kha.

KOLOSSA 3:1

Chuongchun, Krista kuomah keithoin in um ve ta chun, chung tieng, Pathien changtienga ṭhung Krista umnaa thil umhai chu zawng ro;

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

KOLOSSA 3:23

Iengkim in thaw taphawt chu mihriem ta ding anga thaw lovin, Lalpa ta ding anga thaw lemin, inhâwktakin thaw ro;

1 THESSALONIKA 5:10

Ei meng khawma, ei in khawma, ama leh ei hring kawp theina dingin ama chu ei thi aiin a thi a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

1 PETER 4:6

Hi hi lei hin a nih, mithihai lai khawm chun Chanchin Ṭha hril a ni, tisaa um mihriemhai anga ngaituoin an um a, thlaraua ruok chun Pathien anga an hring theina dingin.

1 JOHAN 4:9

Hitaka hin Pathien hmangaina ei chungah a hung inlang tah, ama leia ei hring theina dinga Pathienin a Naupa nei sun khawvêla a hung tira hin.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.