2 KORINTH 5:10 - Pathien Lekhabu Inthieng (BSI)

¹⁰ Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

2 KORINTH 5:10 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si naw a; nang êm chun i thaw âwm êm si naw a: hnuoi chung po po Rorêltu chun feltakin a thaw naw ding am a nih?” a ta.

1 LALHAI 8:32

nangin vâna inthawkin lo ngai la, châng la, mi suol chu ama lu chunga ngei a um dân innghata thiemnaw inchangtirin, mi fel chu a felna ang anga inhlawtir a, thiem inchangtirin i siehlawhai hi ro rêlpêk rawh.

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni si a;)

JOB LEKHABU (THE BOOK OF JOB) 34:11

Mi chu a sinthaw ang peiin ama kuomah a pêk ding a na, A lampuihai ang peiin mi tin chu ân hmutir ding a ni hi.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

INPÂKNA HLABU 98:9

Hnuoi ro rêl dingin a hung ding a ni si a, Khawvêl hi feltakin ro rêlpêk a ta; Thlierbîk nei lovin mi tin ro chu rêl a tih.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

THUHRILTU 12:14

Pathien chun sin tinrêng chu rorêlnaah a hung lâk lût ding a ni si a, thil inthuphai po po le, a ṭha khawm a ṭha naw khawm chu.

EZEKIEL 18:30

Chuleiin, Israel sûngkuo, mi tin chu a thilthawhai ang peiin rêlpêk ka tih, Lalpa Pathien chun a tih. Hung kîr unla, in bawsietnahai po poa inthawkin hung kîr ro; chuongchun, suolna chu in tlûkna lung hung ni naw nih.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

THILTHAWHAI 10:42

Ama chu mithihai le mi hringhai chunga Rorêltua Pathien iruot chu a nih ti, mi kuoma khêkpui le inhriettir dingin Pathienin thu a mi pêk a nih.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:19

(In taksa hrât nawna leiin mihriem dânin thu ka hril a nih). In taksa pênghai chu inthieng nawna kuoma le bawsietna dinga bawsieta kuomah suoka in pêk phal ang khan, tuhin in taksa pênghai chu inthiengna dingin felna kuomah suok dingin pe phal ro.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 7:3

Chu chu thiemnaw inchangtir ding cheuin ka ti a ni naw a, thi leh thi tlânga, dam leh dam tlâng dingin kan lungrila hin kan invawi cheu ti inhma el khan ka hril cheu kha.

EPHESI 6:8

suok ni sienla, suok ni naw sienla khawm, mi tinin thil ṭha an thaw senghai chu Lalpa kuoma inthawkin a ngai bawk hmu nâwk an tih ti hre zing ro.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

1 PETER 4:5

Anni chun, mi hring le mithihai chunga rorel dinga inzosa kuoma chun an chanchin la hril an tih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 22:12

“Ngai ta, ka hung vak ding a nih; mi tin an thilthaw ang peia pêk dingin ka lâwmman ka kuomah a um a.

1 SAMUEL 2:10

Lalpa insuolpuihai chu kawinawiin um an ta, Vâna inthawka vâninrûmin do a ta; Lalpa chun kâwlkawdawng chenin rorêl a tih; A lal chu hrâtna pêng a ta, A hrieknâl ki chu chawimawi a tih,” a ta.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.