2 KORINTH 5:1 - Pathien Lekhabu Inthieng (BSI)

¹ Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.

2 KORINTH 5:1 ပူးပေါင်းရင်းမြစ်များ

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni si a, pilvut i ni a, pilvutah i kîr nâwk ding a nih,” a ti a.

JOB LEKHABU (THE BOOK OF JOB) 30:22

Nang chun thlia chun i mi dawmkâng a, a chunga chun i mîn chuongtir a, Thlipuia chun i mi suktui ta a.

JOB LEKHABU (THE BOOK OF JOB) 4:19

Pil inhaia umhai lem lem chu; a va ring naw zuol âwm ngei, A lungphûm chu pilvuta innghat a ni a, Hângthim hmaa suksiet ni el hlakhai chu.

INPÂKNA HLABU 56:9

Ka ko pha che chun a mi dotuhai chu tlânsieng an tih. Hi hi ka hriet, Pathienin a mi ṭan hi.

ISAI 38:12

Ka umna hi sawnin a um a, berâm vêngtu puon in angin ka kuoma inthawka lâk hmangin a um ta a. Puon khâwngtuin a puon chu a zuol angin ka hringna hi ka zuol a; ama chun puonkawla inthawk chun a mi chep bawng hmawk ding a nih. Nangin ni khat le zân khat thil thuah i mi suktâwp el ding a ni hi,” ka ti a.

MARKA 14:58

“Hi mipa hin, ‘Hi Pathien biekin kuta bâwl hi ṭhiek ka ta, ni thum sûng chauin biekin dang, kuta bâwl naw mi bâwl ka tih,’ a ti kan hriet,” an ta.

THILTHAWHAI 7:48

Nisienlakhawm, Achunghnungtak chu kuta bâwl inhaia a um ngai nawh; zâwlnei chun:-

1 KORINTH 3:9

Keini chu Pathien sinthawpuituhai kan ni si a, nangni Pathien lohma chu in na, Pathien in bâwl chu in ni bawk a nih.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

2 KORINTH 5:4

sil lova um ei nuom lei a ni naw a, sil thuoa um ei nuom lei a nih, thithei hi hringna ilem zoa a um theina dingin.

KOLOSSA 2:11

Krista sertannaa chun mihriem tisa suol chu hlîp vawngin, ama bawka chun kuta sertan ni lova sertan in ni kha.

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

HEBRAIHAI 11:10

khuo, lungphûmhai nei mi, Pathien ibâwl le siem chu a nghâk zing leiin.

HEBRAIHAI 9:11

Nisienlakhawm, Krista chu thil ṭha hung um dinghaia Thiempu Laltak hung niin, biekbûk kuta bâwl naw, (chu chu hieng thilsiem laia mi hi a ni nawh tina a nih), ropui le famkim lem fe thlengin,

HEBRAIHAI 9:24

Krista chu kuta bâwl hmun inthieng a tak angpuia chun a lût si naw a; tuhin Pathien hmaa ei aia ngîr dingin vâna ngei a lût ta lem a;

1 PETER 1:4

rochan se thei naw, inthieng nawna kai naw, chuoi thei naw, vâna in ta dinga a ikhêk chu hmu dingin.

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

1 JOHAN 3:14

Unauhai ei hmangai leiin thinaa inthawkin ei suok a, hringnaah ei lût tah ti ei hriet. Tûkhawm hmangaina nei naw taphawt chu thinaah a la um zing a nih.

1 JOHAN 3:19

Chutaka chun thutaka inthawk ei nih ti inhrieng ei ta, ama mithmu ngeiah ei lungril chu thlêm tlai bawk ei tih,

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.