2 KORINTH 4:5 - Pathien Lekhabu Inthieng (BSI)

⁵ Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

2 KORINTH 4:5 ပူးပေါင်းရင်းမြစ်များ

MATTHAI 23:8

“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni si a.

MATTHAI 3:11

Kei chun chu simna dingin tuiin ka baptis hlak cheu a; nisienlakhawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

JOHAN 7:18

Tûkhawm mâni phuokfâwm thu hril chu mâni mawina zawng a nih; a tirtu mawina zawng ruok chu, ama chu mi tak zet a nih, amaa chun indik nawna hrim a um nawh.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 2:36

“Chuongchun, Isu in hemde ngei kha, Pathienin Lal le Krista ni fâwmin a siem tah ti, Israel hnam tinin hre mawl raw hai se,” a ta.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

1 KORINTH 1:23

keini ruok chun Krista hemdea um thu chu kan hril lem hlak a ni hi; chu chu Judahai ta dingin tlûkna, Jentailhai ta dingin invêtna a nih.

1 KORINTH 10:33

Keiin mâni ta dinga ṭangkaina zawng lova sandam an ni theina dinga mi tamtak ta dinga ṭangkaina zawng lemin, mi po po iengkimah ka suklâwm ang tak hin.

1 KORINTH 12:3

Chuleiin, tûkhawmin Pathien thlaraua thu hrilin, “Isu chu ṭawngsephur a nih,” an ti ngai nawh; chun, tûkhawmin Thlarau Inthienga chau naw chun, “Isu chu Lalpa a nih,” an ti thei ngai nawh ti kân hriettir cheu.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

1 KORINTH 2:2

Isu Krista ama ngei hemdea a um thu chau naw chu nangni lai ieng dang khawm hriet ka tum nawh kha.

1 KORINTH 4:15

Kristaa chun inchûktirtu sîng khat nei unla khawm pa chu tamtak in nei si naw a nih; keiin Krista Isua chun Chanchin Ṭhain ka nei cheu a ni kha.

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

2 KORINTH 1:19

Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si naw a; amaa chun, “A nih,” ti a um lem a nih.

2 KORINTH 1:24

In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.

GALATI 5:13

Nangni, unauhai, suok ni lo dinga ko in ni si a; nisienlakhawm, suok in ni nawna chu tisa ta dinga remchângah hmang naw unla, hmangainain rawng inbâwl tuo pêk seng lem ro,

PHILIPPI 1:15

Ṭhenkhat chun îtthîk le sêlna lei khawmin Krista thu an hril hlak, ṭhenkhat ruok chun lâwm leiin an hril bawk hlak:

PHILIPPI 2:11

Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

2 TIMOTHE 2:10

Chuleiin, Krista Isua um sandamna chu, chatuona ropuina leh an hmu ve theina dingin, thlanghai lei chun iengkim ka tuor hlak.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.