2 KORINTH 4:4 - Pathien Lekhabu Inthieng (BSI)

⁴ Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

2 KORINTH 4:4 ပူးပေါင်းရင်းမြစ်များ

1 LALHAI 22:22

Chun, Lalpain a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

INPÂKNA HLABU 50:2

Mawi famkimna, Ziona inthawk chun, Pathien chu a var suok ta a.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 12:31

Tuhin hi khawvêl hi ngaituo lai a nih; tuhin hi khawvêl lal hi pei suok nîng a tih.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:40

“Amain an mit a sukdel a, An lungril a sukngar a; Chuong naw chun, an mitin hmu rawi an ta, An lungrilin hrethiem rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

JOHAN 12:45

Tûkhawm a mi hmu chu a mi tirtu hmu a nih.

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

JOHAN 15:24

Mi dang tukhawm la thaw ngailo thilhai anni lai thaw ni naw lang chu, suol an nei naw ding bah. Nisienlakhawm, tuhin chu an hmu ta a, chuongsa khawm chun kei le ka Pa an mi theida ve ve tah a nih.

JOHAN 16:11

rorêl thua dâm thiemnaw chang an tih, hi khawvêl lal hi inthiemlova a tlûk ta leiin.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

THILTHAWHAI 26:23

khânga Krista chun rinum tuor a ta; chun, mithi laia inthawka a thonâwk leiin mi po po kuoma le Jentailhai kuoma khawm var inhmutirtu hmasatak nîng a tih, an ti thu kha,” a ta.

1 KORINTH 10:20

Jentailhai inthâwina chu Pathien kuomah ni lovin, khawhrihai kuomah an inthâwi hlak ti ka hril lem a nih; nangnirawi chu khawhrihai in inṭawmpui ka nuompêk naw cheu a ni hi.

2 KORINTH 2:11

chuong naw chun, Setanin mi tlâkkhal rawi a tih, a zâwrna chu ei inhmai si naw a.

2 KORINTH 2:12

Chun, Krista Chanchin Ṭha hril dinga Troas ka tlung lai khan, Lalpaa chun lampui an mi hawngpêk nâka chu,

2 KORINTH 3:11

Chuoi nâwk el ding hman kha, khâng khawpa ropui a ni chun, a um sawng ding lem chu, a va ropui nasa âwm ngei de!

2 KORINTH 3:14

An lungril ruok chu sukngarin a um ta lem a; vawisûn chen khawm hin thuthlung hlui chu an tiemin inkhumna pângngai chu hlîm lovin a um zing si a; chu inkhumna chu Kristaa chun sukboin a um ta a.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pêk ta si a;

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

PHILIPPI 2:6

Ama chu Pathien nina neia um zing ni sien khawm, Pathien tluka um zing chu, tum lui tlat dingah a ngai naw a,

KOLOSSA 1:15

Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

1 TIMOTHE 1:11

inpâktlâk Pathien Chanchin Ṭha ropui inchûktirna indik ka kuomah inkawltira um ang ni lo ta ding chun siem a ni lem.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 6:4

Chun, vawikhat lungril sukvara lo um tah, vân thilpêk intem ta a, Thlarau Inthieng changtu ni ta a,

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.

1 JOHAN 2:8

Niesienlakhawm in kuomah thupêk thar ziek nawk a ni hi, (chu chu amaah le nangniah ân lang a nih), inthimna chu a bo mêk a, var taktak chu tuhin a hung var ta leiin.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.