2 KORINTH 4:16 - Pathien Lekhabu Inthieng (BSI)

¹⁶ Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

2 KORINTH 4:16 ပူးပေါင်းရင်းမြစ်များ

INPÂKNA HLABU 119:81

Ka hringna hi i sandamna ngaiin a chau ta a, Nisienlakhawm, i thu ka beisei hlak.

INPÂKNA HLABU 27:13

Mi hring rama hin, Lalpa ṭhatna hmu inring naw lang chu ka chau ta ding a nih.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

INPÂKNA HLABU 73:26

Ka taksa le ka lungril hi a chau ta a, Nisienlakhawm, Pathien chu kumkhuoa ka lungril hrâtna ding le ka chanvo a nih.

ISAI 40:29

Châuhai kuoma chun thilthawtheina a pêk hlak a; hrâtna hrim nei nawhai chu a sukhrât hlak.

ISAI 40:31

Lalpa nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl lovin tlân an ta; châu lovin kein fêng an tih.

JEREMIA 45:3

‘Lalpa chun ka natna chunga hin lungngaina chu a belsa si a, ka chung a va rik de! kân rûmna leiin ka chau a, sâwldamna hrim ka hmu nawh,’ i ti a.

LUKA 11:3

Ni tin kan fâk khawpin bu mi pe la,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 4:1

Chuleichun, lunginsietna kan hmu ang peia hi rawngbâwlna hi kan nei leiin kan dawl naw a;

EPHESI 3:16

A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

EPHESI 4:23

in lungril thlaraua chun a tharin hung um unla,

KOLOSSA 3:10

Mihriem thar chun in inthuom ta si a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei lova inthuom ni lem raw se, chu chu Pathien mithmu chun a hlu bêk bêk a nih.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.