2 KORINTH 4:12 - Pathien Lekhabu Inthieng (BSI)

¹² Chuongchun, keinia hin thinain sin a thaw hlak a, nangnia ruok chu hringnain sin a thaw hlak a nih.

2 KORINTH 4:12 ပူးပေါင်းရင်းမြစ်များ

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

1 KORINTH 4:10

Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât naw a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 13:9

Keini kan hrâtnaw lai khawma nangni in hrât hin kan lâwm hlak in sawnnaw; hi hi kan hni bawk hlak, nangni ṭhat famkimna ding hi.

2 KORINTH 4:11

Keini hringa la umhai hi, Isu leia thi dingin inmantirin kan um rawp a, Isu hringna khawm kan taksa thi theia hin ân lang theina dingin.

2 KORINTH 4:13

Amiruokchu, “Ka awia, chuleiin thu ka hril a nih,” ti ziek ang khan, chu ringna lungril ngai chu putin, keini khawmin kan awi ve a, chuleiin thu kan hril bawk a;

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

PHILIPPI 2:30

In mi sawmdâwlna tlin bâk chu sunzawm dingin thi huoma thâtak suoin, Krista sinthawna leiin thi vângin a lo um ta si a.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hringna ei pêk ve ding a nih.