2 KORINTH 3:8 - Pathien Lekhabu Inthieng (BSI)

⁸ Thlarau rawngbâwlna chu ieng ang taka ropuiin am a tlung ding chu?

2 KORINTH 3:8 ပူးပေါင်းရင်းမြစ်များ

ISAI 11:2

chun, Lalpa thlarau-varna le hriet theina thlarau, remruotna le hrâtna thlarau, hrietna le Lalpa ṭina thlarau chu-a chungah fûng a tih.

ISAI 44:3

Dangchâr chunga chun tui ka hung buok ding a ni si a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 7:39

(Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

1 KORINTH 3:16

Pathien in in ni le Pathien Thlarau nangniah a um ti in hriet naw am a nih?

2 KORINTH 11:4

Mi dang hungin Isu dang, a thu kan ihril ngai naw a hril a, thlarau danglam in la dawng ngai naw in dawngin, chanchin ṭha dang in ilâwm ngai naw chu in lâwmin in ngaithei pei el a ni maw?

2 KORINTH 3:17

Chun, Lalpa chu Thlarau chu a na, Lalpa Thlarau umna taphawta chun zalênna a um hlak.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 3:7

Mosie hmêl a ropui leiin Israel nauhai chun a hmêl an en zing thei naw a. (chu ropuina chu a bo ta riei riei a), thina rawngbâwlna lunga hawrawpa ziek hman, chuong ang khawpa ropuiin a tlung chun,

2 KORINTH 3:9

Thiemnaw inchangtirna rawngbâwlna hman a ropui chun, felna rawngbâwlna chu ropuina tieng chun a nasa lem bêk bêk ding a nih.

GALATI 3:14

Chuongchun, Abraham chunga malsâwmna chu Krista Isua chun Jentailhai chungah hung um thei a ta; chuongchun, ringna leiin Thlarau tiem chu hmu thei ei tih.

GALATI 5:5

Keini chun Thlarau zârah ringnain felna beiseina kan nghâk si a.

EPHESI 2:18

Ama zârin Thlarau hmunkhata, Pa kuoma lût theina ei nei ve ve a nih.

2 THESSALONIKA 2:13

Unau, Lalpa idittakhai, Thlarau isukthiengnaa le thutak ring leia sandama um dingin a tîra inthawka Pathienin a thlang cheu leiin, in chungthua hin Pathien kuomah lâwmthu hril rawp ding hrim kan nih.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inremna sukpungin um raw se.