2 KORINTH 13:5 - Pathien Lekhabu Inthieng (BSI)

⁵ Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

2 KORINTH 13:5 ပူးပေါင်းရင်းမြစ်များ

INPÂKNA HLABU 119:59

Ka um dânhai ka ngaituo a I thuinhriettir tienga chun ka ke ka pên ta a.

INPÂKNA HLABU 17:3

Ka lungril hi i fie a, zânah nangin i mi hung sir a; I mi fie ta a, iengkhawm i hmu si naw a; Ka baua hril suol lo chu ka tum tlat a nih.

INPÂKNA HLABU 26:2

Aw Lalpa, mi enfiein mi fie la, Ka lungril le ka lungvar hi sukthieng la,

JEREMIA 6:30

Mihai chun anni chu tangkaruo hnâwla umhai tîng an ta, Lalpa chun anni chu a lo hnâwl tâk lei khan.

ṬAP HLA 3:40

Ei lampuihai chu thaw ṭâl ei ta, zawngsuok ei ta, Lalpa kuomah inher kîr nâwk ei tiu.

EZEKIEL 18:28

Ama chun a ngaituo a, a lo thaw tah, a bawsietnahai po poa inthawk chun ân her hmang tâk leiin thi naw ni a, hring ngei ngei a tih.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

HAGGAI 1:7

Sipaihai Lalpa chun hieng hin a tih; “In lampuihai ngaituo ro.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 15:4

Keimaah um zing ro, kei khawm nangniah um zing ka tih. Kâu chu grêp hruiah a um zing naw chun a khâtin a ra thei naw ang bawkin, nangni khawm keimaah in um zing naw chun ra thei naw ti niu.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 6:56

Tûkhawm ka taksa faa, ka thisen dâwn chu, keimaah a um zing hlak, kei khawm amaah ka um zing hlak.

JOHAN 6:6

Chuong thu chu ama infiena dingin a hril a nih; a thaw ding chu amân a hriet zing si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:10

Krista chu nangniah a um ruok chun, in taksa chu suolna leia thi khawm ni sien, Pathiena thiem changa um in ni leiin in thlarau chu a hring a nih.

1 KORINTH 11:28

Mi tin mani infie seng sienla, chuong ang chun bei chu fain no chu dâwn raw se.

1 KORINTH 11:31

Amiruokchu, chîktakin inngaituo hlak unla chu, ro rêlpêkin ei um naw ding bah.

1 KORINTH 3:16

Pathien in in ni le Pathien Thlarau nangniah a um ti in hriet naw am a nih?

1 KORINTH 6:15

In taksahai chu Krista pênghai a nih ti in hriet naw am a nih? Krista pênghai chu lâkpêkin nawchizawr pênghaiah ka siem ding am a nih? Teu lo e!

1 KORINTH 6:19

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni naw a,

1 KORINTH 6:2

Anleh, mi inthienghai chun khawvêl hi an ngaituo ding a nih ti in hriet naw am a nih? Chun, khawvêl hman hi in ngaituoa um ding a ni chun, thil chîntakhai khawm chu ngaituo tlâklo in ni ding am a nih?

1 KORINTH 9:24

Intlânsiekhai chu an rêngin an tlân a; nisienlakhawm, pakhat chauin lâwmman a hmu hlak ti in hriet naw am a nih? In hmu theina dingin chuong ang tak chun tlân ro.

1 KORINTH 9:27

Boruok chau hnek lovin kei le kei kân hnek a, ka taksa ka hnek rak rak a, suokah ka siem hlak; chuong naw chun, mi danghai kuoma tlâng ka însampui hnung khawmin ieng amanih tiin kei ngei khawm hi peithlâkin um rawi ka tih.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

GALATI 4:19

Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

GALATI 6:4

Mi tinin mani thilthaw infie seng lem raw hai se, chu hnunga chun, mi dang chungah ni lovin, mani chung chauah suong ding nei an tih.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 2:19

Lu chu an chel tlat si naw a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni si a.

KOLOSSA 2:7

Amaa zung kei le, rem sâng deu deua umin, an inchûktir ang cheu khan, lâwmthu hrilna hauin, in ringnaa chun dettakin um ro.

1 TIMOTHE 2:15

Nisienlakhawm, nuhmei chu ringna le hmangaina le, inthiengna neia lungril feltak puta a um chun, nau nei leiin sandamin um a tih.

2 TIMOTHE 3:8

Chun, Janni le Jambriin Mosie an kal ang khan, chuong mihai khawm chun thutak hi an kal hlak, lungril se tah, ringna kawnga chun Pathien dit naw zawng mi an nih.

TITA 1:13

Chu thu inhriettir chu ân dik a nih. Chuleiin, ringnaa chun an indik theina dingin natakin kâwk rawh.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

TITA 2:2

Putarhai chu insûm thei, inzâum, lungril feltak; ringna le hmangaina le selnaa indiktak ni dingin infui rawh.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

HEBRAIHAI 6:8

Amiruokchu, hlohlingnei le buorhai ân suo chun mâkin a hung um a, ṭawngsephur hielin a um hlak a, a tâwpa chun raw a tuok hlak.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

1 PETER 5:9

In unau khawvêla umhai chunga chun chuong anga tuorna chu a tlung ve a nih ti hrein, awi dettaka umin, ama chu do ro.

THUPUONGSUO 2:5

Chuongchun, i tlûktâkna chu hre zing la, simin, i thil thaw hmasa takhai kha thaw nâwk rawh; chuong naw chun, i kuomah hung ka ta, i sim naw chun i khâwnvar siena kha a hmuna inthawkin sawn ka tih.