2 KORINTH 13:11 - Pathien Lekhabu Inthieng (BSI)

¹¹ A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

2 KORINTH 13:11 ပူးပေါင်းရင်းမြစ်များ

INṬANNA 37:4

An pa chun ama chu a uhai po po nêkin a hmangai lem ti a unauhaiin an hriet chun ama chu an theida ta hle a, ṭawngbau ṭha hrim a chungah an rawl thei ta naw a.

INṬANNA 45:24

Chun, a unauhai chu a tir suok a, an fe ta a: chun, ama chun an kuomah, “Lampuia inhal lo dingin fimkhur ro,” a ti a.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

MARKA 10:49

Isu chu a lo ngîr a, “Ama chu hung ko ta u,” a ta. Chun, mitdel chu an ko a, a kuomah, “Lungmuongtakin um rawh, a ko che,” an ta.

MARKA 9:50

Machi hi a ṭha; nisienlakhawm, machi hi a alna lo da ta sienla, iengin am sukal nâwk an ta? Nangni ngeiin machi nei unla inngei ro,” a ta.

LUKA 9:61

Chun, mi dang khawmin, “Lalpa, zui ka ti che, amiruokchu, ka ina mihai bau ṭhain mîn thlatir zet rawh,” a ta.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

THILTHAWHAI 15:29

milim biekna sa fâk dâm, indit dâm ma unla kan tih. Hieng hi in ma chun in ta dingin ṭhâng a tih. Damtakin um ro,” tiin.

THILTHAWHAI 18:21

“Pathienin a phal chun, in kuomah la hung nâwk ka tih,” tiin ṭawngbauṭhain a ṭhe a; Ephesia inthawk chu lawngin a fe ta a.

THILTHAWHAI 23:30

Chun, Judahaiin ama an inchân ti miin an mîn hriettir phingleh, i kuomah ama hi ka hung tir nghâl ta a nih, a hêktuhai khawm, a chunga thupawi an nei taphawt chu i hmaa hril dingin thu ka pêk bawk a,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:16

Ngaituo hmunkhatin um tuo seng unla, inngaituo sâng taluo naw unla, mi chînhai inruolpui lem ro. Intivar naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:18

A thei phawt chun nangni tieng bêk mi po po le inremin um ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:19

Chuongchun, inremna le insuksâwt tuona ding thilhai chu hnawt ei tiu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:33

Remna Pathien chu in rênga kuomah um raw se. Amen.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

2 KORINTH 1:4

Pathienin keini a mi thlamuonna ngeiin, rinum ieng anga umhai khawm chu kan thlamuon ve theina dingin, ama chun kan rinumna po poah a mi thlamuon hlak.

2 KORINTH 13:14

Lalpa Isu Krista lunginsietna dâm, Pathien hmangaina dâm, Thlarau Inthieng pâwlna dâm chu in rênga kuomah um raw se.

2 KORINTH 13:9

Keini kan hrâtnaw lai khawma nangni in hrât hin kan lâwm hlak in sawnnaw; hi hi kan hni bawk hlak, nangni ṭhat famkimna ding hi.

EPHESI 4:12

Krista taksa siem ṭha dinga, rawngbâwlna sin thawa, mi inthienghai sukfamkim dinga,

EPHESI 4:3

inremna khuopnaa chun Thlarau inpumkhatna chu vawng dinga thaw dingin.

EPHESI 6:23

Pa Pathien le Lalpa Isu Krista kuoma inthawka inremna le ringna ṭhang hmangaina unauhai kuoma khan um raw se.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

PHILIPPI 3:16

Iengkhawm ni sien la, ei phâk chin ang pei hi sukdikin, chutaka inthawk chun fe pei ei tiu.

PHILIPPI 4:2

Lalpaa chun lungril hmunkhat put dingin Eodi ka ngên a, Suntuki khawm ka ngên bawk a nih.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In dawtheizie mi po po hriet ni raw se.

PHILIPPI 4:9

Keimaa thil in inchûka in pawmhai dâm, in hmua in hriethai dâm, khâng thilhai kha thaw hlak ro. Chuongchun, Lungmuongna Pathien chun umpui a ti cheu.

1 THESSALONIKA 3:10

In hmêl kan hmu theina ding le, in ringna tienga in tlâksamna kan phuhrûk pêk theina ding cheuin a sûn a zânin nasatakin kan ṭawngṭai zing a nih.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

1 THESSALONIKA 4:18

Chuleiin, hieng thu hin inthlamuon tuo ro.

1 THESSALONIKA 5:13

an sinthaw leia hmangaia ngaihlu bêk bêk dingin. Inremin um ro.

1 THESSALONIKA 5:16

Lâwm rawp unla,

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia chatuona thlamuongna le beiseina ṭha mi petu chun,

2 THESSALONIKA 3:1

A tâwp taka chun,unauhai, kan ta dingin mi ṭawngṭaipêk ro; Lalpa thu hi nangni laia a um ang khan, hrâttaka indara chawimawia a um theina ding le,

2 THESSALONIKA 3:16

Chun, inremna Lalpa ngei chun kumkhuoin kawng tinrêngah inremna pe raw se cheu.

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.

HEBRAIHAI 12:14

Mi po po le inremna le inthiengna hnawt ro, chu inthiengna naw chun tukhawmin Lalpa hmu naw ni hai.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

JAKOB 1:4

Chun, iengkhawm tlasam lova in famkima, in puma in him theina dingin, selna chun thaw famkim raw se.

1 PETER 3:11

Suol nghatsanin, Thil ṭha thaw raw se; Inremna zawngin, Hnawt pei raw se.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

THUPUONGSUO 22:21

Lalpa Isu lunginsietna chu mi inthienghai kuomah um raw se. Amen.