2 KORINTH 12:9 - Pathien Lekhabu Inthieng (BSI)

⁹ Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

2 KORINTH 12:9 ပူးပေါင်းရင်းမြစ်များ

2 LALHAI 2:15

Chun, zâwlnei naupasalhai Jeriko khuoa umhaiin ama chu an lo hmu nâwk chun, “Elija thlarau kha Elisa chunga hin a um ta ngei el,” an ti a, ama chu tuok dingin an hung suok a, a hmaa chun hnuoi sikin an kûn a, chibai an bûk tâwl a.

INPÂKNA HLABU 8:2

I hmêlma le phubalatu sukdeina dingin, Nangma dotuhai lei chun, Nautehai le nêne ne laihai bau suok chun hrâtna i sukdet a.

ISAI 11:2

chun, Lalpa thlarau-varna le hriet theina thlarau, remruotna le hrâtna thlarau, hrietna le Lalpa ṭina thlarau chu-a chungah fûng a tih.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 2:3

Chun, hrâtnaw le ṭiin, nasataka inthin pumin in kuomah ka um a.

1 KORINTH 2:5

in ringna chu mihriem varnaa innghat lova, Pathien thilthawtheinaa innghata a um lemna dingin.

2 KORINTH 11:30

Suong ding ka ni rau rau chun ka hrât nawna tieng thilhai a nih ka suong lem ding.

2 KORINTH 12:1

Ka suong hrim hrim ding a nih, ṭhat chu a ṭha naw a, nisienlakhawm, Lalpa kuoma inthawka inlârna le inhriettirna thu hril kai pei el ka tih.

2 KORINTH 12:10

Chuleiin, Krista leiin hrâtnawnaahai, sietnaahai, hnengdenaahai, suknawmnatnaahai, hnawchêpnaahai, ka lâwm hlak a nih; ka hrât naw po leh ka hrât hlak a nih.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 KORINTH 12:5

Mi chuong ang chu suong ka tih; nisienlakhawm, ka hrâtnawna ti lo chu mâni chu insuong naw ning ah.

EPHESI 3:16

A ropuina hauzie ang peiin, a Thlarau zârah mihriem sûngril tienga chun thilthawtheinaa sukhrâta ân umtir theina ding cheu le,

PHILIPPI 4:13

A mi sukhrâttu Krista zâra chun iengkim ka thaw thei a nih.

KOLOSSA 1:11

hlimtaka selna le dawtheina tinrêng nei dinga a ropuina hrâtzie ang peia hrâtna tinrênga sukhrâta in um theina dingin kan ngênpêk cheu.

1 TIMOTHE 1:14

chun ei Lalpa lunginsietna chu ringna le Krista Isu hmangainain nasatakin a liem ta a.

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.