2 KORINTH 12:7 - Pathien Lekhabu Inthieng (BSI)

⁷ Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

2 KORINTH 12:7 ပူးပေါင်းရင်းမြစ်များ

INṬANNA 32:25

A hne nawh ti ân hrietin a êlpui ru suktuona lai hi a khîk pêk a; chuongchun, a buon lai chun Jakob êlpui ru insuktuokna chu a hung inpelsawl ta a.

INṬANNA 32:31

Chun, a êlpui inpelsawl leia inbâi puma Peniel a suoksan lai tak chun nisa a hung suok a, ama chu a hung khaw a.

2 CHANCHIN SUINA 26:16

Nisienlakhawm, a hung hrât chun, a lungril a hung uong a, khawhlotakin a thaw ta a, a Pathien Lalpa chunga chun a bawsiet ta a; riminhnik rawna maichâm chunga riminhnik raw dingin Lalpa biek ina chun a fe ve ta a.

2 CHANCHIN SUINA 32:31

Nisienlakhawm, Babulon lalhai, chu rama thilmakhai chu indawn suok dinga a kuoma mi hungtirhai chungthua chun, a lungrila umhai po po chu a hriet theina dingin, fie dingin Pathien chun ama chu a thlathlam a.

JOB LEKHABU (THE BOOK OF JOB) 2:6

Lalpa chun Setan kuomah, “Ngai ta, ama chu i kuta um a nih annâwm; a hringna chau chu hla la,” a ta.

JOB LEKHABU (THE BOOK OF JOB) 2:7

Chuongchun, Setan chu Lalpa hmâihmaa inthawk chun a fe suok ta a, Job chu a kephaa inthawka a lusîp chenin khuoihli pânnain a hrem ta a.

EZEKIEL 28:24

“Chun, Israel sûngkuoa chun a suntu hling um ta naw ni a, an sîr vêla hling buoipuiumhai anni sukhmingse dinghai chu um ta naw ni a, chun, Lalpa Pathien chu ka nih ti mi hre tâng an tih.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw ta a, ân lalna lalṭhungphaa inthawk chun sie hnuoiin a um ta a, amaa inthawk chun a ropuina chu an lâk hmang a,

HOSEA 2:6

Chuleiin, ngai ta, i lampui chu hlingin hruk ka ta, Ama dang dingin dai sak ka ta, A lampuihai chu hmu naw nih.

NAMBAR 33:55

Amiruokchu, chu rama umhai chu in hnawt suok naw chun in inumtirhai chu in mit ta dinga suntu le in pang ta dinga hling ang nîng an tih.

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

LUKA 13:16

Hi nuhmei, Abraham naunu, Setanin kum sâwmpariet a khuop hi, Châwlni khawmin hi khuopna hi hang sûtpêk naw ziezâng am a nih?” a ta, a dawn a.

1 KORINTH 4:11

Tu chen khawm hin, kan phîng a ṭâmin kan dang a châr a, silfên kan khawp naw a, mi kut inthak nûlna kan na, umna bulbâl kan nei naw a,

1 KORINTH 5:5

mi chuong ang chu a thlarau Lalpa nia chun sandamin a um theina dingin a taksa chu sukbohmang dingin Setan pe inla ka ti a nih.

2 KORINTH 10:10

“A lekhathawnhai chu a rikin a ngar a, a taksa tieng ruok chu a âwmnêm a, a ṭawng khawm insit a um a nih,” an ti si a.

2 KORINTH 10:5

insêlnahai le thil insâng tinrêng Pathien hrietna hluotu dinga insângtaka siemhai chu ṭhiekin, ngaituona tinrêng Krista thuawina salah kan ṭhuoi a,

2 KORINTH 11:20

Miin suokah siem sienla cheu, fa zo duok sienla cheu, salah man sienla cheu, ama le ama inchawimawi sienla, in hmaiah ben sienla cheu khawm in daw hlak si a.

2 KORINTH 12:1

Ka suong hrim hrim ding a nih, ṭhat chu a ṭha naw a, nisienlakhawm, Lalpa kuoma inthawka inlârna le inhriettirna thu hril kai pei el ka tih.

GALATI 4:13

Chanchin Ṭha in kuoma ka hril hmasak ṭum kha, ka taksa hrâtnawna lei a nih ti in hriet si a.

DÂN PAHNINA 17:20

a lungril a unauhai chungah ân sie sâng nawna dingin le changtieng amanih, vawitieng amanih thupêk chu a pêtsan nawna ding le Israelhai lai chun ama le a thlahai a rama hin an dam sâwt phâna dingin.

DÂN PAHNINA 8:14

in lungril hung chapo a ta, suok in nina Aigupta rama inthawka ṭhuoi suoktu cheu Lalpa in Pathien chu theinghil hlau rawi in tih.

1 TIMOTHE 3:6

Ringthar a ni ding a ni naw a, chuong naw chun, chapoin um a ta, Diebol thiemnaw changna chu chang ve rawi a tih.

RORELTUHAI 2:3

Chuleiin, tuhin, ka hril cheu hi, Anni chu hnawt suokpêk ta naw ning cheu a, in nâkphêkhaia chun hling ang hung ni tâng an ta; an pathienhai chu in ta dingin châng nîng an tih,” a ti a.