2 KORINTH 12:20 - Pathien Lekhabu Inthieng (BSI)

²⁰ Ka hung phaa ieng amani tiin ka dit angin hung hmu naw rawi ka ti cheu a, kei khawm in dit angin mi hmu naw rawi in tih, ti le, ieng amani tiin, inhalnahai, inthîknahai, lungsennahai, inkhingnahai, inrêlnahai, inberua thu lâknahai, inngaihlut taluotnahai, buoinahai hung um rawi a tih ti le;

2 KORINTH 12:20 ပူးပေါင်းရင်းမြစ်များ

INPÂKNA HLABU 41:7

A mi theidatuhai po po chu ka chungchângah an inbiekrûk a, Ka ta dinga thil ṭhanaw tâwpkhâwkhai an ngaituo hlak.

THUVARHAI 16:28

Mi dukindaklo chun inhalna a thedar a , Mi lâwtthiem chun ṭhien bulhai a sukṭhe.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:29

chuongchun, rîtlona tinrêng dâm, suolna tinrêng dâm, inhnarna tinrêng dâm, lungril ṭhat nawna tinrêng dâmin an hung sip ta a; îtsîkna dâm, tuolthatna dâm, inhalna dâm, inhlêmna dâm, lungril setak dâma sip an na; inberu hmanghai,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:30

mi rêl hmanghai, Pathien theida zâwnghai, intiveihai, chapohai, mi uonghai, thil suol thar suksuoktuhai, nu le pa thu awi lohai,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:8

Amiruokchu, kâwmaw suo a, thutak zâwm lova fel nawna zâwm lemtuhai chunga chun Pathien lungsenna le lungawinawna um a tih.

1 KORINTH 1:11

Ka unauhai, in chungchâng thu chu, nangni lai insêlnahai a um ti Kloi sûnghai chun an mi hril a nih.

1 KORINTH 14:33

Pathien chu buoina Pathien a ni naw a, inremna Pathien a ni lem si a. Mi inthieng kohranhai po poa ang hin,

1 KORINTH 5:2

Chun, chuong thil thawtu chu nangni laia inthawka hnawtdawk dinga lungngai nêk hmanin in uong lem si a.

2 KORINTH 1:23

Nisienlakhawm, ka thlarau chunga hretu dingin Pathien ka ko a nih, nangni hla ding cheuin a nih Korinth khuoa ka hung ta naw.

2 KORINTH 10:2

Anih, in kuomah ka um pha, ṭhenkhat, tisa anga uma mi ruottuhai chunga huoitaka um ka tum ngamna ang hin, ka zuom nawna ding cheuin ka ngên cheu.

2 KORINTH 10:6

in thu awizie a famkim pha chun thuawi nawna po po phuba la dingin kan inzo bawk a.

2 KORINTH 12:21

ka hung nâwk pha ka Pathienin nangni lai mi sukmuolpho nâwkin, kha hmaa thil suksuoltuhai lai thil inthiengnaw thaw dâm, indit dâm, hur dâm, chînga sim si lo mi tamtakhai chu ṭa rawi ka tih, ti kân lau in sawnnaw.

2 KORINTH 13:2

Ka hril lâwk ta a, vawi hninaa in kuoma ka um laia ka hril ang khan, tuhin in kuomah um naw lang khawm, kha hmaa thil suksuoltuhai kuoma le mi po po kuomah hril lâwk nâwk ka tih. “Ka hung nâwk chun hla naw ning ah,”

2 KORINTH 2:1

Nisienlakhawm, keia tieng thua chun hi hi ka lo tum tlat a nih, lungngai pum chun in kuoma hung ta lo dingin.

GALATI 5:15

Nisienlakhawm, in inse a, in infâk tuo si chun, in insukbohmang tuo nawna dingin fîmkhur ro.

GALATI 5:26

Inchotuoin, in itthîktuoin inngaihlu nâwng ei tiu.

JAKOB 4:11

Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni naw a, rorêltu i ni lem.

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak si a.

JUDA 1:16

Chuonghai chu chiertu le sawisêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.