2 KORINTH 12:11 - Pathien Lekhabu Inthieng (BSI)

¹¹ Ka lo invêt a ni ta tie: nangniin invêt lo thei lovin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si naw a.

2 KORINTH 12:11 ပူးပေါင်းရင်းမြစ်များ

THUVARHAI 27:2

Mi dangin inpâk lem raw se cheu, nangma hmûr ngeia inpâk ni lovin, Hmêlmak miin ni raw se, nangma hmûrhai ngeiin ni lovin.

LUKA 17:10

Chuong ang bawkin, nangni khawmin in kuomah thupêk ang po poa in thaw zo phaleh, ‘Suok ṭhahnem naw kan ni ie; kan thaw ding hrim kan thaw a nih,’ ti ro,” a ta.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 KORINTH 3:22

Iengkim hi in ta vawng a ni si a: Paula amanih, Appolo amanih, Kipha amanih, khawvêl amanih, hringna amanih, thina amanih, thil um tasahai amanih, a hung um dinghai le chun a rêngin in ta vawng a nih.

2 KORINTH 1:6

Nisienlakhawm, rinuma kan um leh nangnirawi thlamuongna ding le sandamna ding a na, thlamuonga kan um leh nangni thlamuong vena ding a nih; chu chun ka rinum tuor bawk hi seltaka in tuornaa chun a thaw hlak a nih.

2 KORINTH 11:1

Kân vêt deunaa hin nangnîn in mi daw thei ka va nuom de! Anih, daw khawm in mi daw thei ngei a.

2 KORINTH 11:5

Chu tirko lien takhai chu ieng kawnga khawm ka tluk naw ka ring naw a nih.

2 KORINTH 12:12

Tirko ni inchikna chu selna tinrêng neiin, inchiknahai, thilmakhai, thilthawtheinahaiin in kuoma thaw a ni tak tak kha.

2 KORINTH 12:6

Suong nuom lang khawm invêt ni naw ning a, thu taktak ka hril ding a ni si a; nisienlakhawm, insûm ka tih; chuong naw chun, tûkhawmin an mi hmu ang le, keia inthawka thu an hriet ang nêkin mi ngai ropui lem rawi an tih.

2 KORINTH 3:1

Mâni inhrilmawi ei phut nâwk ding a ni ta maw? Annawleh, in kuoma pêk ding amanih, in kuoma inthawk amanih hrilmawina lekha, mi ṭhenkhat ta dinga a ngai angin, kan ta dingin a ngai ve ding a ni maw?

2 KORINTH 5:13

Kan invêt leh Pathien ta ding a na, kan var leh nangni ta ding a ni si a.

GALATI 6:3

Mi iengkhawm ni si lovin, mi lien deua ân ngai chun, ân hlêm fâwm el a ni si a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,