2 KORINTH 12:10 - Pathien Lekhabu Inthieng (BSI)

¹⁰ Chuleiin, Krista leiin hrâtnawnaahai, sietnaahai, hnengdenaahai, suknawmnatnaahai, hnawchêpnaahai, ka lâwm hlak a nih; ka hrât naw po leh ka hrât hlak a nih.

2 KORINTH 12:10 ပူးပေါင်းရင်းမြစ်များ

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

JOHAN 15:21

Nisienlakhawm, hieng thil po po hi ka hming leiin in chungah thâwng an tih, keia mi tirtu an hriet naw leiin.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hle a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:3

Chu chau chu ni lovin, ei rimsiknaa khawm lâwmin ei um a nih, rimsikna chun selna a siem a,

1 KORINTH 4:10

Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât naw a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.

2 KORINTH 1:4

Pathienin keini a mi thlamuonna ngeiin, rinum ieng anga umhai khawm chu kan thlamuon ve theina dingin, ama chun kan rinumna po poah a mi thlamuon hlak.

2 KORINTH 10:18

Mâni inhrilmawi chun inpâk a hlaw si naw a, Lalpain a hrilmawi chun inpâk a hlaw lem hlak.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

2 KORINTH 13:4

Ama chu hrâtnawnaa hemdein a um a, nisienlakhawm, Pathien thilthawtheina leiin a hring ta zing a nih. Keini khawm amaa chun kan hrâtnaw a nih; nisienlakhawm, nangni tienga Pathien thilthawtheina leiin a kuomah hring vêng kan tih.

2 KORINTH 13:9

Keini kan hrâtnaw lai khawma nangni in hrât hin kan lâwm hlak in sawnnaw; hi hi kan hni bawk hlak, nangni ṭhat famkimna ding hi.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;

2 KORINTH 4:5

Mâni thu kan hril si naw a, Krista Isu chu Lalpa a ni kan hril lem hlak, keini khawm Isu leiin suok kan ni kan hril bawk hlak.

2 KORINTH 5:15

Chun, a hringhai chu anni ta dinga hring ni ta lova, an thi aia thia thonâwk ta ding chun an hring ta lemna dingin a nih, mi po po aia a thi chu.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

2 KORINTH 7:4

Nangni tienga chu ka ṭawng ngamzie hi a nasa a, ka suongzie cheu hi a nasa a nih; thlamuongnain ka sip a, kan rinumna po poa chun hlimin ka sip liem a nih.

EPHESI 6:10

A tâwp taka chun Lalpaa le a hrâtna thahruia chun thilthawtheina neiin um ro.

PHILIPPI 1:29

Krista leia ama in ring chau ni lovin, ama leia in tuor khawm phal a ni si a,

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

2 THESSALONIKA 1:4

Chuongchun, suknawmnatna le rimsikna in tuornahai po poa in selna le in ringna hai lei khan, keini ngeiin Pathien kohranhai lai kan suong hlak cheu a nih.

2 TIMOTHE 3:11

mi mi suknawmnatna dâm, ka tuorna dâm leh; Antiokeia dâm, Ikonioma dâm, Lustraa dâm ka chunga thil hung tlunghai le suknawmnat ka tuorna kha, chuong po poa chun Lalpa chun a mi sandam ta si a.

JAKOB 1:2

Ka unauhai, thlêmna tinrêng in tuok hnungin lâwmna ruokah ngai ro,

THUPUONGSUO 2:3

Selna i nei bawk a, ka hming leiin i tuor ta a, i châu si naw a.