2 KORINTH 12:1 - Pathien Lekhabu Inthieng (BSI)

¹ Ka suong hrim hrim ding a nih, ṭhat chu a ṭha naw a, nisienlakhawm, Lalpa kuoma inthawka inlârna le inhriettirna thu hril kai pei el ka tih.

2 KORINTH 12:1 ပူးပေါင်းရင်းမြစ်များ

EZEKIEL 11:24

Chun, thlarau chun a mi dawmkâng a, Pathien thlaraua thilhmulâwknaa chun Kaldaia sal intânghai kuoma chun a mi ṭhuoi ta a. Chuongchun, ka thilhmulâwk hmu chun chungtieng a mi fesan ta a.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

JOHAN 16:7

“Nisienlakhawm, thu indiktak ka hril cheu hi, ka fe in ta dingin a ṭha; ka fe naw chun Thlamuongtu chu in kuomah a hung naw ding a ni si a; kei ka fe ruok chun in kuomah hung tir ka tih.

JOHAN 18:14

Kaiapha chu, “Mi po po aia mi pakhat thi a ṭha,” tia Judahai rawtpuitu kha a nih.

THILTHAWHAI 18:9

Chun, zânah Lalpain Paula kuoma chun mang angin, “Ṭi naw la, to lovin thu hril pei rawh,

THILTHAWHAI 23:11

Chun, zâna chun Lalpa chu Paula kâwlah a ngîr a, “Thlamuongtakin um rawh, Jerusalema ka thu în hriettir ang bawkin Roma khawm în hriettir ding a nih,” a ta.

1 KORINTH 10:23

Thil iengkim thaw a thieng a; nisienlakhawm, thil iengkim thaw a ṭha kher nawh. Thil iengkim thaw a thieng a; nisienlakhawm, thil iengkim thawin a mi siem ṭha kher nawh.

1 KORINTH 14:6

Tuhin, unauhai, ṭawng hrietlohaia thu hrilin in kuomah hung ta ang lang, inhriettirna tieng amanih, hrietna tieng amanih, thu hrilna tieng amanih, inchûktirna tieng amanih in kuomah ka hril si naw chun ieng am ka sukṭhathnemna ding cheu a um a?

1 KORINTH 6:12

Thil iengkim thaw ka ta dingin a thieng a; nisienlakhawm, thil iengkim thaw a ṭha kher nawh; thil iengkim thaw ka ta dingin a thieng a; nisienlakhawm, ieng thu hnuoia um khawm kân phal nawh.

2 KORINTH 12:11

Ka lo invêt a ni ta tie: nangniin invêt lo thei lovin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si naw a.

2 KORINTH 12:5

Mi chuong ang chu suong ka tih; nisienlakhawm, ka hrâtnawna ti lo chu mâni chu insuong naw ning ah.

2 KORINTH 12:7

Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

2 KORINTH 8:10

Chuongchun, chutaka chun ka ngaidân ang a nih ka hril, chu chu in ta dingin a ṭha si a, kum khat a ni ta a, a phut hmasatuhai in na, in thaw phut chau khawm ni lovin a thaw nuom hmasatak khawm in ni kha.

GALATI 1:12

Mihriem kuoma inthawka hmu ka ni bawk naw a, mi mîn chûktir ka ni bawk nawh. Isu Krista inlârna leia hmu ka ni lem si a.

GALATI 2:2

Chun, hriettirna leiin ka hang fe a, Jentailhai laia Chanchin Ṭha tlâng ka însampui hlak hi anni ka hang hril a; nisienlakhawm mi lien deuhai chu a tumin ka hril a, chuong naw chun a thlâwnin tlân hlau rawi ka tih; annawleh, tlân thlâwn tah ni rawi ka tih.

EPHESI 3:3

khânga thurûk chu inhriettirnaa inhriettira ka um kha, inhmaa tawitea ka ziek ang thu kha.

1 THESSALONIKA 4:15

Hi hi Lalpa thuin in kuomah kan hril a nih; eini Lalpa hung pha chena dama lo la um zinghai hin, a in tahai chu lekhal naw tawp ei tih, ti hi.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.