2 KORINTH 11:26 - Pathien Lekhabu Inthieng (BSI)

²⁶ Inzinna ṭum tamtakhaiah, vadunga ṭiumnaahai, suomhmanghai laia ṭiumnaahai, ka chipuihai laia ṭiumnaahai, Jentailhai laia ṭiumnaahai, khawpuia ṭiumnaahai, thlalêra ṭiumnaahai, tuisuorieta ṭiumnaahai, unau tehlêmhai laia ṭiumnaahai,

2 KORINTH 11:26 ပူးပေါင်းရင်းမြစ်များ

THILTHAWHAI 13:45

Nisienlakhawm, Judahaiin mipuihai chu an hmu phingleh an îtthîk bêk el a; Paula thu hril chu an sêlkal a, an hrilpâwi hle a.

THILTHAWHAI 13:50

Nisienlakhawm, Judahai chun nuhmei inzaum Pathien ngaisakhai le khuoa upahai chu an infui a, Paula le Barnaba chu an insuknawmnatir a, an rama inthawkin an hnawt suok ta a.

THILTHAWHAI 14:19

Nisienlakhawm, Antiokei le Ikonioma mi Juda tuhai amanih chutaka chun an hung a, mipuihai chu an zâwr thlûk ta a; chuongchun, Paula chu lungin an dêng a, thia an ring leiin khuoa inthawk chu an hnûk dawk ta a.

THILTHAWHAI 14:5

Chun, Jentailhai, Judahai, an hotuhai le chun, tirkohai chu inzakumtaka siem le lunga dêng tuma an thaw ding laiin anni chun an lo hriet a,

THILTHAWHAI 15:40

Paula ruok chun, Sila a thlang a, unauhaiin Lalpa lunginsietna an inkawltir hnungin a fe suok ta a.

THILTHAWHAI 17:13

Nisienlakhawm, Thessalonikaa Judahai chun Paulain Beroia khuoah Pathien thu a hril ti an hriet phingleh, chutaka khawm chun an va fe a, mipuihai an infui a, an buoi nâwk ta a.

THILTHAWHAI 17:5

Nisienlakhawm, Judahaiin an huphur a; dâwr hmuna mi suol thabo tuhai amanih an kuomah an ṭhuoi a, mipui an ko khâwm a, khuo po po chu an chawkbuoi a, Jason in an hung ṭhâwng a, vântlâng laia ṭhuoi suok tumin.

THILTHAWHAI 18:12

Chun, Gallio, Akaia rama lal aiawa a um laiin Judahaiin inthuruolin Paula an thaw a, rorêlna ṭhungpha hmaah an ṭhuoi a,

THILTHAWHAI 19:1

Chun, Paula chu khaw sak biel a fang suok zet a, Apollo Korintha a um kâr khan Ephesi chu a tlung a, inchûktir tuhai amanih a hmu a;

THILTHAWHAI 19:23

Chun, chuong lai vêl chun Lam thu lei chun buoina namên lo a hung suok ta a.

THILTHAWHAI 20:19

Judahaiin an mi phierrûk leia mitthli tla le, thil rinum ka chunga tlahai tuor pumin thuhnuoirawltakin Lalpa rawng ka bâwl hlak kha.

THILTHAWHAI 20:3

Chun, chutaka chun thla thum a thang hnungin Suria ram tieng lawngin a fe ding a na, Judahaiin ama an phierrûk leiin Makedonia rama fe nghâl a tum nâwk lem ta a.

THILTHAWHAI 23:10

Chun, an insêl nasa deu deu leiin, sipai hotu laltak chun Paula an kei nâwi a ṭi a, sipaihai kuomah, zu fea anni laia inthawka kulbînga hung ṭhuoi lût el dingin a ta.

THILTHAWHAI 25:3

Jerusalema hung inṭhuoitir dingin lunginsietna an lo hni rak bawk a; lampuia lo inchâna that an tum a.

THILTHAWHAI 27:42

Chun, sipaihaiin intânghai chu sukhlum an rawt a, chuong naw chun, tui inhlieu kai dâm um an ta, tlân hmang an tih ti an ṭi a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thilthawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chenin, Krista Chanchin Ṭha chu ram tinah ka hril kim ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:35

Krista hmangainaa inthawk chu tuin am mi ṭhêng a ta? Rinumnain amanih, lungngainain amanih, suknawmnatnain amanih, ṭâmin amanih, saruoknain amanih ṭiumin amanih, kâwlhnâmin amanih a mi ṭhe ding am a nih?

1 KORINTH 15:30

Iengleiin am eini khawm hi dârkâr tina inlaua ei um hlak am a na?

1 KORINTH 15:32

Mihriem thaw dân ang ringawta Ephesia sahrânghai kha insuolpui ka ni chun, ka ta dingin ieng am ṭhahnem a ta? mithi keithoa an um naw ding chun, fain dâwn ei tiu, zîngah ei thi el ding annâwm.

2 KORINTH 11:32

Damaskaa khan, lal Areta hnuoia rorêltu chun a mi man dingin Damaskaa mihai khawpuia chun ân vêngtir a;

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.