2 KORINTH 11:23 - Pathien Lekhabu Inthieng (BSI)

²³ Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 11:23 ပူးပေါင်းရင်းမြစ်များ

JEREMIA 36:5

Jeremia chun Baruk chu thu a pêk a, “Kei chu khum ka na, Lalpa ina chun ka fe thei naw a;

THILTHAWHAI 14:19

Nisienlakhawm, Antiokei le Ikonioma mi Juda tuhai amanih chutaka chun an hung a, mipuihai chu an zâwr thlûk ta a; chuongchun, Paula chu lungin an dêng a, thia an ring leiin khuoa inthawk chu an hnûk dawk ta a.

THILTHAWHAI 20:23

Thlarau Inthiengin ‘Khuopna le rinumnain a tuok che’, tiin khaw tinah a mîn hriettir hlak, chu chau chu ka hriet a nih.

THILTHAWHAI 21:11

Kan kuomah a hung a, Paula kâwnghrên a lâk a, a kehai, a kuthai ama le ama ân khuop a, chun, “Jerusalema Judahai chun hi kâwnghrên neitu hi hieng ang hin khuop an tih, Jentailhai kutah pe bawk an tih, Thlarau Inthiengin a tih,” a ta.

THILTHAWHAI 25:14

Chun, ni tamtak chutaka chun an châm leiin Festa chun Paula thupawi chu lal kuoma chun a hril a, “Felik khan intâng tû amanih a mâksan a.

THILTHAWHAI 27:1

Chun, Itali rama lawnga kan fe ding an sukthlûk phingleh, Paula le mi intâng dang tuhai amanih,

THILTHAWHAI 28:16

Chun, Roma kan lût chun, Paula chu a vêngtu sipai kuomah a khât chaua um an phal a.

THILTHAWHAI 28:30

Chun, Paula chu kum hni pumhlûm ama in hawah a um a, a kuoma lût taphawt a lâwm hlak a,

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:36

“Nangma leiin sûnnithlâkin thatin kan um hlak; Berâm that ding anga ngai kan nih,” tia ziek ang khan.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

1 KORINTH 4:1

Keinirawi hi Krista rawngbâwltu le Pathien thurûk enkawltuah miin mi ngai raw hai se.

1 KORINTH 4:11

Tu chen khawm hin, kan phîng a ṭâmin kan dang a châr a, silfên kan khawp naw a, mi kut inthak nûlna kan na, umna bulbâl kan nei naw a,

1 KORINTH 4:9

Pathienin keini tirkohai hi thi dinga ruot tasa angin a nuhnungtakah a mi târsuok angah ka ngai a nih; khawvêl le vântirkohai le mihriemhai mithmuah ennuoma siemin kan um hi.

2 KORINTH 10:7

In mithmua thil umhai chu a nih in en hlak chu. Tûkhawmin Krista ta nia ân ring chun, hi hi mâkhâtin ngaituo nâwk raw se; ama chu Krista ta a ni ang bawkin keini khawm kan ni ve hi.

2 KORINTH 11:5

Chu tirko lien takhai chu ieng kawnga khawm ka tluk naw ka ring naw a nih.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 4:11

Keini hringa la umhai hi, Isu leia thi dingin inmantirin kan um rawp a, Isu hringna khawm kan taksa thi theia hin ân lang theina dingin.

2 KORINTH 6:9

mi hriet khawp naw angin, hming inthangtak siin, thi vâng vâng angin, ngai ta u, kan hring si a; thunun angin sukhluma um si lovin;

GALATI 6:17

Tuta chen chu tûkhawmin mi sukbuoi ta naw raw hai se, ka taksaa hin Isu inchiknahai ka put si a.

EPHESI 3:1

Chuleichun, kei Paula, nangni Jentailhai leia Krista Isu mi intâng hin.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 6:20

chu kawnga chun ka thu hril ding ang chu huoitaka ka hril theina dingin. Chu Chanchin Ṭha palai khaidiet bun ka nih.

PHILIPPI 1:13

Chuongchun, ka kawl bunnahai hi Praitorian sipai pâwl po po lai le mi dang po po kuoma chun Krista lei a nih ti ân lang suok tah.

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

KOLOSSA 1:29

chuong anga inngîrtir thei dingin, nasataka keimaa sin a thaw, chu a sinthaw ang peia thaw ṭâlin, ka thaw hrim bawk hlak a nih.

1 THESSALONIKA 3:2

Timothe ei unaupa, Krista Chanchin Ṭha tienga Pathien rawngbâwltu hi sukdet ding cheu le in ringna kawnga thlamuon ding cheuin kan hung tir a nih;

1 TIMOTHE 4:6

Chuonghai chu unauhai în hriettir chun, Krista Isu rawngbâwltu ṭhatak nîng i tih, ringna le inchûktirna ṭha tu chena i la zâwm thuah châwm i ni ang khan.

2 TIMOTHE 1:16

Lalpa chun Onesiphora sûnghai kuomah zângaina pe raw se; ama chun a mi sukhar rawp a, ka khaidiet bun khawm a mîn zâpui si naw a.

2 TIMOTHE 1:8

Chuongchun, ei Lalpa thu inhriettirna chu inzâpui naw la, ama mi intâng kei khawm hi mîn zâpui bawk naw rawh. Chanchin Ṭha leia rinum hi Pathien thilthawtheina ang angin mi tuorpui lem rawh.

2 TIMOTHE 2:9

Chu Chanchin Ṭha lei chun thil suksuoltu angin khuop hiel khawpin rinumhai ka tuor hlak a nih; nisienlakhawm, Pathien thu chu khuopin a um si nawh.

2 TIMOTHE 3:11

mi mi suknawmnatna dâm, ka tuorna dâm leh; Antiokeia dâm, Ikonioma dâm, Lustraa dâm ka chunga thil hung tlunghai le suknawmnat ka tuorna kha, chuong po poa chun Lalpa chun a mi sandam ta si a.

PHILEMON 1:9

hmangaina leiin (Paula tarsie rau lo ni tah, tuta Krista mi intâng ni bawk hin) a ngênin ka ngên lem che,

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor ta a.