2 KORINTH 11:13 - Pathien Lekhabu Inthieng (BSI)

¹³ Mi chuong ang mi chu, Krista tirkoa insiem fâwm, tirko tehlêmhai, sinthawtu mi hlêm hmanghai an ni si a.

2 KORINTH 11:13 ပူးပေါင်းရင်းမြစ်များ

JEREMIA 23:16

Sipaihai Lalpa chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, Lalpa baua inthawka mi chu ni lovin.

JEREMIA 27:14

In kuoma ‘Babulon lal rawng chu in bâwl ding a ni nawh,’ titu zâwlneihai thu chu ngai naw ro: in kuoma chun thukhêl an hril si a.

MATTHAI 25:24

“Chun, talent khat kawltu khawm chu a hung a, ‘Pu, mi ti kher kher i nih ti ka hriet che; i tu nawnaa khawm i sîk hlak a, i the dar nawnaa khawm în khâwm hlak a nih;

THILTHAWHAI 15:1

Chun, mi tuhai amanih Judai rama inthawkin an hung thla a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

THILTHAWHAI 20:30

Nangni laia mi khawm, inchûktirhai an kuoma inkawptir dingin thu hran hril la hung um an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

2 KORINTH 11:15

Chuleiin, a rawngbâwltuhai khawm chu felna tirkoah insiem fâwm hai sien khawm a mak a ni nawh, chuonghai tâwpna chu an thil thaw ang pei nîng a tih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

GALATI 1:7

Chu chu Chanchin Ṭha a ni ve si naw a; nangni sukbuoiin, Krista Chanchin Ṭha suk danglam nuom tuhai amanih an um el a nih.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.

GALATI 4:17

Ṭhat tiengah ni dêr si lovin, nasatakin an ngaisak hlak cheu a, anni in ngaisak theina dingin keinia inthawka ṭhethlâk cheu tum an ni tak.

GALATI 6:12

Tisaa hmêl insukmawi nuomhai poin sertana um dingin an tir lui hlak cheu a nih; ieng dang lei khawm a ni naw a, Krista kraws leia suknawmnatna an tuor nawna ding chau a nih.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

PHILIPPI 3:18

Mi tamtak an fe a, chuhai chu Krista kraws hmêlma an ni ti an chanchin ka hril rawp cheu kha, tu khawm hin ṭap pumin ka hril cheu hi.

PHILIPPI 3:2

Uihai laia chun fîmkhur ro, thil ṭha naw thawtuhai laia chun fîmkhur ro, mâni taksa sukrimsi hlakhai laia chun fîmkhur ro.

KOLOSSA 2:4

Tûkhawma bau thiema an hlêm nâwna ding cheuin, chuong chu ka ti a nih.

KOLOSSA 2:8

Fimkhur ro, chuong naw chun, tûkhawmin Krista thu ang ni lovin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 2:2

I thilthawzie dâm, i sininrimzie dâm, i selzie dâm, mi suolhai i ngaitheinawzie dâm ka hriet. Tirko ni si lova tirko intihai chu I fie bawk a, khêlhlip an nih ti i lo hriet ta a.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.