2 KORINTH 11:12 - Pathien Lekhabu Inthieng (BSI)

¹² Nisienlakhawm, remchângna hmu nuomtuhaia inthawka remchângna chu ka sâttan theina dingin, ka thaw hlak hi thaw pei ka tih, an suongnaa chun keini um ang hin an hung um theina dingin.

2 KORINTH 11:12 ပူးပေါင်းရင်းမြစ်များ

JOB LEKHABU (THE BOOK OF JOB) 23:13

Nisienlakhawm, ama chu ngaituona thleng lo a na, tuin am ama chu herhmang thei a ta? A lungrilin a nuomtak chu, chu ngei chu a thaw hlak.

MATTHAI 26:16

Chu chena inthawk chun inmantirna remchâng a zawng ta a.

1 KORINTH 5:6

In uong san hi a ṭha naw ie, chawl tlâwmtêin bei tlang chu a zawpsuo vawng hlak ti in hriet naw am a nih?

1 KORINTH 9:12

Mi dang hmanin in chunga thuneina chu an chang chun, keini hi chang ding kan ni zuol a ni naw am nih? Nisienlakhawm, chu thuneina chu kan hmang nawh. Krista Chanchin Ṭha kan hluo nawna dingin iengkim kan tuor hrâm hrâm hlak a nih.

2 KORINTH 1:17

Chuongchun, chuong ang ka lungril lai khan kan lungril det nawzie inentir am ka nih? Annawleh, ka kuomah, “A nih, a nih,” ti le, “A ni nawh, a ni nawh,” ti chu um ve ve dingin, thil thaw ka tum hlak chu tisa angin am a ni ka tum?

2 KORINTH 10:17

Nisienlakhawm, “A suong taphawt chun Lalpa chu suong raw se.”

2 KORINTH 11:18

Mi tamtakin tisa anga an suong leiin kei khawmin hang suong vêng ka tih;

2 KORINTH 11:9

Chun, in kuoma ka um a, ka tlâksam lai khan tûkhawmin an mîn khâwkpui naw a; unauhai chu Makedonia rama inthawka an hungin ka tlâksamna chu an mi hung phuhrûkpêk a ni si a; iengkimah nangni inkhâwkpui lo dingin kân siem kha, khâng ang khan insiem zing ka tih.

2 KORINTH 5:12

In kuomah kan inhrilmawi nâwk a ni naw a, lungril tieng ni lova, ân lang el zawngtuhai chu ieng amanih dawnna in nei theina dingin keini tienga suongna san siempêk cheuin kan hril lem a nih.

GALATI 1:7

Chu chu Chanchin Ṭha a ni ve si naw a; nangni sukbuoiin, Krista Chanchin Ṭha suk danglam nuom tuhai amanih an um el a nih.

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.