2 KORINTH 11:1 - Pathien Lekhabu Inthieng (BSI)

¹ Kân vêt deunaa hin nangnîn in mi daw thei ka va nuom de! Anih, daw khawm in mi daw thei ngei a.

2 KORINTH 11:1 ပူးပေါင်းရင်းမြစ်များ

2 LALHAI 5:3

Chun, a hotunu kuoma chun, “Ka pu hi Samari rama zâwlnei hmaa khan Pathien chun inumtir sien chu aw, ama chun ân phârna hi a sukdam el ding bah,” a ti hlak a.

NAMBAR 11:29

Mosie chun a kuomah, “Keia leia ngaimaw am i nih? Lalpa mihai po po chu zâwlnei ni vawng hai sienla. Lalpain an chungah a thlarau chu sie seng sienla ti nâklaiah,” a ta.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka ta, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

THILTHAWHAI 18:14

Chun, Paulain a dawn tâwmin, Gallio chun Judahai kuomah, “Judahai, hieng hi thil indiknaw thu amanih bêk ni sienla, matheilovin ngaisak ka ti cheu a;

THILTHAWHAI 26:29

Paula chun, “Sâwt sienla, sâwt naw sienla, nang chau ka ti naw a, vawisûna ka thu hretuhai po po khawm hi, keia ang bawka um dingin Pathien kuomah ka hni a nih, kawlhai ruok hi chu bun ve lovin,” a ta.

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

1 KORINTH 3:18

Tûkhawmin ama le ama inhlêm naw raw se. Nangni laia tûkhawm hi khawvêla vara inngai chu a hung var theina dingin mi invêtah hung inchang phawt raw se.

1 KORINTH 4:10

Keini chu Krista leiin mi invêt kan nih, nangni ruok chu Kristaa chun mi var in ni lem a nih! Keini chu kan hrât naw a, nangni ruok chu in hrât a nih! Nangni chu mi inpâkin in um a, keini ruok chu mi hmusitin kan um a nih.

1 KORINTH 4:8

Tuta inthawkin in tlai ta a, tuta inthawkin in hausa ta a, kan ṭhang lovin ro in rêl a ni ta hi! Anih, ro rêl tak tak unla kan nuom a nih, keini khawma nangni le ro kan rêl theina dingin.

2 KORINTH 11:19

nangni chu le, mi var in ni leiin invêthai chu lungawitakin indaw hlak si a.

2 KORINTH 11:21

Kan lo hrât ta naw angin, insitin ka hril a nih; nisienlakhawm, tûkhawmin ieng kawnga khawm an ngam taphawt (invêttakin hang hril ta inla) kei khawmin ka ngam.

2 KORINTH 11:4

Mi dang hungin Isu dang, a thu kan ihril ngai naw a hril a, thlarau danglam in la dawng ngai naw in dawngin, chanchin ṭha dang in ilâwm ngai naw chu in lâwmin in ngaithei pei el a ni maw?

2 KORINTH 12:11

Ka lo invêt a ni ta tie: nangniin invêt lo thei lovin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si naw a.

2 KORINTH 5:13

Kan invêt leh Pathien ta ding a na, kan var leh nangni ta ding a ni si a.

HEBRAIHAI 5:2

Chuonghai chun iengkhawm hre nawhai le lampui inhmanghai chungah zai an daw thei hlak a nih, anni ngei khawm hrât nawna inhuol vêla an um bawk leiin.

JOSUA 7:7

Josua chun, “E khai, iengdinga, Aw Lalpa PATHIEN, keini mipuihai hi sukbohmanga um dinga Amor mihai kuta pêk dinga Jordan vadung hi mi ṭhuoi kai am i na? Jordan vadung râla khan lungawitaka um ṭawk ṭawk ta lem ding kha aw.