2 KORINTH 10:4 - Pathien Lekhabu Inthieng (BSI)

⁴ (keini râldo inthuomna chu tisaah a ni si naw a, kulpui dettakhai ṭhiekna dinga Pathien zâra thil thaw thei tak a ni lem),

2 KORINTH 10:4 ပူးပေါင်းရင်းမြစ်များ

INPÂKNA HLABU 110:2

Lalpa chun i hrâtna hmawl chu Zion tlânga inthawkin tir suok a tih; Nangin nangma dotuhai laia chun rorêl rawh.

ISAI 30:25

Chun, inthatna nasatak nia râl vêng inhai chu a chim ni chun, tlâng insâng tina le muol pâwng insâng tina chun vadungpuihai le vadungtê tui luonghai hung um a tih.

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 23:29

Ka thu chu mei ang a ni nâwm a nih, lungpui khawm suknawitu tubau ang chu? Lalpa chun a tih.

THILTHAWHAI 7:22

“Chun, Mosie chu Aigupta mihai varna po po an inchûktir a, a thu le a thilthawah a ropui bêk bêk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:12

Zân hi a bo vâng vâng ta a, khuo a var ding a ni tah, chuleiin inthimna thilthawhai chu pei inla, var thuomin inthuom ei tiu khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

1 KORINTH 2:5

in ringna chu mihriem varnaa innghat lova, Pathien thilthawtheinaa innghata a um lemna dingin.

1 KORINTH 9:7

Sipai tu am mâni inchâwm fâwmin râl kâp hlak an um a? Tuin am a ra fa si lovin Grêp huon a siem hlak leh? Annawleh, tuin am ranruol nênetui dâwn si lovin ranruol a vai hlak a?

2 KORINTH 10:8

Kan thuneina (Nangni ṭhiekna ding ni lova nangni siem ṭhatna dinga Lalpain a mi pêk hi), suong nasa nâwk zuol lang khawm ka muolpho âwm si naw a,

2 KORINTH 13:10

Chuleiin, sukse ding ni lova, siem ṭha ding lema Lalpain thuneina a mi pêk ang pei khan, in kuoma ka um pha nataka ka kâwk nawna ding cheuin in kuoma ka um naw lai hin hieng thu hi ka ziek a nih.

2 KORINTH 3:5

iengkhawm keinia inthawka suoka ruot dingin keini ngawtin kan tlin kan ti naw a; kan tlin theina chu Pathien kuoma inthawk a ni lem.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

2 KORINTH 6:7

Thutak thua dâm, Pathien thilthawtheinaa dâm, changtieng le vawitienga felna hriemhreihaiin,

1 THESSALONIKA 5:8

Nisienlakhawm, eini chu nia mi ei ni lei hin, ringna le hmangaina âwmphaw chu hâkin, sandamna beiseina chu lukhuma hmangin ngaiven lem ei tiu.

1 TIMOTHE 1:18

Ka nau Timothe, inhmaa i chanchin an hril lâwk thuhai ang khan chu kâwkna thu chu kân kawltir che; chuong le chun, indona ṭha chu i do theina dingin;

2 TIMOTHE 2:3

Krista Isu sipai ṭhatak angin rinum mi tuorpui rawh.

HEBRAIHAI 11:30

Ringnain Jeriko kul kha ni sari an inhuol hnungin a chim ta a.

JOSUA 6:20

Chuongchun, mipuihai chu an khêk a, tawtawrâwthai mût an ni a. Tawtawrâwt ri an hang hriet phingleh, an khêk ta dur dur a, kul chu a chim hmât vawng a; chuongchun, mi tin chu mâni hma zawn senga chun an fe a, khawpuia chun an lût a, khawpui chu an lâk ta a.