2 KORINTH 1:9 - Pathien Lekhabu Inthieng (BSI)

⁹ Anih, keinia chun thi chau hmabâk tah angah kan inhriet a, chu chu mâni inring lova Pathien, mithi keithotu chu, kan ring lemna ding a lo nih.

2 KORINTH 1:9 ပူးပေါင်းရင်းမြစ်များ

JOB LEKHABU (THE BOOK OF JOB) 40:14

Chun, kei khawma i kut changtieng chun Nangma a sandam thei che a nih ti hrieng ka tih.

INPÂKNA HLABU 22:29

Hnuoia mi neinunghai po po chun fain chibai bûk an ta, Pilvuta kîr nâwk dinghai po po khawm chu a hmaah la kûn an tih: Mâni hringna sukhring zing thei lo chu.

THUVARHAI 14:32

Mi khawhlo chu a thilthaw rilova chun sukthlûkin a um a, Mi fel ruok chun a thinaa chun beiseina a nei hlak.

THUVARHAI 28:26

Mi mâni lungril ngawt ringtu chu invêt a nih, Tukhawm vartaka fetu ruok chu, ama chu sanhim nîng a tih.

ISAI 38:10

“Ka dam sûng nihai inding lai tak hin thlân kawtkhârahai chun ka lût ding a na, Ka dam sûng kum la bâk dinghai chu lâkpêkin ka um tah, ” ka ti a.

EZEKIEL 33:13

Mi fel kuoma chun a hring ngei ding a ni ka ti pha chun, a felna chu a ring a, suolna a thaw chun, a thil thaw felhai chu a ieng khawm hriet zing ni naw ni a; amiruokchu, a suolna a lo thaw taa chun thîng a tih.

LUKA 18:9

Chun, mi feltak ni inringa, mi dang po po hmusit hlak, tuhai amani kuoma khawm chun hi tekhithu hi a hril a:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:36

“Nangma leiin sûnnithlâkin thatin kan um hlak; Berâm that ding anga ngai kan nih,” tia ziek ang khan.

2 KORINTH 1:10

Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,

2 KORINTH 1:8

Unauhai, Asia rama kan chunga rinumna tlung thu kha in hriet naw kan nuom naw a, khânga nasataka tuor zo ruol lova, dam hrim khawm beisei lo khawp hiela deldea kan um kha.

2 KORINTH 3:5

iengkhawm keinia inthawka suoka ruot dingin keini ngawtin kan tlin kan ti naw a; kan tlin theina chu Pathien kuoma inthawk a ni lem.

2 KORINTH 4:7

Nisienlakhawm, thilthawtheina nasatzie chu keini kuoma inthawk ni lovin, Pathien ta a ni thei lemna dingin, chu ro chu pil bêlahai kan kawl a nih.

HEBRAIHAI 11:19

Pathienin mithi laia inthawkin a keitho thei ti hrein chutaka chun thi ta hnung keitho angin a hmu nâwk ta ngei bawk a.