2 KORINTH 1:19 - Pathien Lekhabu Inthieng (BSI)

¹⁹ Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si naw a; amaa chun, “A nih,” ti a um lem a nih.

2 KORINTH 1:19 ပူးပေါင်းရင်းမြစ်များ

INPÂKNA HLABU 2:7

Thuruot chu ka hril ding a nih: Lalpa chun ka kuomah, “Nang chu ka naupa i nih; Vawisûn hin ka nei che a nih.

FESUOKNA 3:14

Pathien chun Mosie kuomah, “UMA kha KA NIH” a ti a. Chun, ama bawkin, “Israel mihai kuoma chun, UMA khan in kuomah a mi tir a nih, tîng i tih,” a ta.

MATTHAI 17:5

A la hril lai zingin ngai ta, sûm vârtakin anni a hung hlie ta a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 24:35

Hnuoi le vân bo a ta, ka thu ruok chu bo naw ni.

MATTHAI 27:40

“Nang Pathien biekin ṭhiek a, ni thuma bâwl nâwktu, insukdam rawh, Pathien Naupa i ni chun, krawsa kha hung ṭum ta la,” tiin.

MATTHAI 27:54

Chun, sipai za hotu le a kuoma Isu vênga um vehai chun, simkhawleihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

MARKA 1:1

Pathien Naupa Isu Krista Chanchin Ṭha hung tlung phutna chu.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

JOHAN 1:34

Chu chu ka hmu ta a, ama hi Pathien Naupa a nih ti kân hriettir tah,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 19:7

Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

THILTHAWHAI 15:22

Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an ti a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.

THILTHAWHAI 16:1

Chun, Derbe le Lustraa chun a fe bawk a; chun, chutaka chun, a hming Timothe inchûktir pakhat a um; ama chu ringtu Juda nuhmei naupa a na, a pa ruok chu Grik a nih;

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um ta a, Isu kha Krista a nih ti Judahai chu a hrilfie a. Nisienlakhawm, an kalin an hrilpâwi a,

THILTHAWHAI 8:36

Chun, lampuia an fe malamin tui umna an tlung a; chun, mitillâk chun, “En ta, hitaka hi tui a um, baptisma chang dingin iengin am a mi hluo a?” a ta.

THILTHAWHAI 9:20

Inkhâwmna inhaia chun Isu chu Pathien Naupa a nizie thu a khêkpui nghâl ta a.

2 KORINTH 1:1

Paula, Pathien ditzâwnga Krista Isu tirko le ei unaupa Timothe chun: Korintha Pathien kohran umhai kuomah, Akaia rama mi inthieng um po pohai kuoma leh:

1 THESSALONIKA 1:1

Paula le Silvan le Timothe chun: Pa Pathien le Lalpa Isu Kristaa Thessalonikaa kohranhai kuomah: Lunginsietna le inremna in kuomah um raw se.

2 THESSALONIKA 1:1

Paula le Silvan le Timothe chun: Pathien ei Pa le Lalpa Isu Kristaa, Thessalonikaa kohranhai kuomah:

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 1:11

Chuonghai chu la bohmang a ta, Nang ruok chu um sawng ding i nih; Chun, chuonghai po po chu, Silfên angin la hlui a ta,

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

2 PETER 1:17

Ama chun Pa Pathien kuoma inthawkin chawimawina le ropuina a hmu a, chu lai chun ropuina nasataka inthawk chun hieng ang râwl hi a kuomah a hung tlung a, “Hi hi ka Naupa dittak, ka ilâwm bêk bêk a nih,” tiin.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

2 JOHAN 1:9

Tûkhawm Krista inchûktirna thua um zing lova, fe khêl chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 2:18

Chun, Thuatiraa kohran tirko kuoma chun hieng hin ziek rawh: “ ‘Pathien Naupa, mit meichawk ang nei, a kephahai dâr tle mi ang khan, hieng thu hi a hril a nih: