2 KORINTH 1:17 - Pathien Lekhabu Inthieng (BSI)

¹⁷ Chuongchun, chuong ang ka lungril lai khan kan lungril det nawzie inentir am ka nih? Annawleh, ka kuomah, “A nih, a nih,” ti le, “A ni nawh, a ni nawh,” ti chu um ve ve dingin, thil thaw ka tum hlak chu tisa angin am a ni ka tum?

2 KORINTH 1:17 ပူးပေါင်းရင်းမြစ်များ

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche ta a, dâna chun inpâwngnêkna chu an hmang ta a nih.

MATTHAI 1:19

Chun, a pasal Josef chu mi feltak a na; tlâng ihriet a nuom naw a; arûka mâk el a nuom a.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

JOHAN 8:15

Nangnîn tisa dânin in sawisêl hlak; kei ruok chun tukhawm ka sawisêl nawh.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 11:18

Mi tamtakin tisa anga an suong leiin kei khawmin hang suong vêng ka tih;

GALATI 1:16

Jentailhai laia Chanchin Ṭha ka hril theina dingin, a Naupa chu keimaa ân lârtir lai khan, tisa le thisen kân rawnpui naw a.

GALATI 2:2

Chun, hriettirna leiin ka hang fe a, Jentailhai laia Chanchin Ṭha tlâng ka însampui hlak hi anni ka hang hril a; nisienlakhawm mi lien deuhai chu a tumin ka hril a, chuong naw chun a thlâwnin tlân hlau rawi ka tih; annawleh, tlân thlâwn tah ni rawi ka tih.

1 THESSALONIKA 2:18

in kuomah hung kan tum tlat si a; kei Paula ngei khawm hin vawi hni rau hung ka tum nghe nghe ta a; nisienlakhawm, Setanin a mi hluo hlak a nih.

JAKOB 5:12

Nisienlakhawm, ka unauhai, iengkhawm thaw unla, inkhâm naw ro, vân sâlin amanih, hnuoi sâlin amanih, thil dang hrim hrim amanih sâlin inkhâm naw ro: “A nih,” in ti chu, “A nih,” ni sienla, “A ni nawh,” in ti chu, “A ni naw,” ni raw se; chuong naw chun thiemnaw changin um in tih.

RORELTUHAI 9:4

Chun, Baal-berith ina inthawkin tangka sâwmsari an pêk a, chu chun Abimelek chun mi hotak tak le mi rura tak takhai a ruoi a, anni chun ama chu an zui ta a.