2 KORINTH 1:12 - Pathien Lekhabu Inthieng (BSI)

¹² Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 1:12 ပူးပေါင်းရင်းမြစ်များ

2 SAMUEL 22:22

Lalpa lampuihai chu ka hraw a, Ka Pathien kuoma inthawk chun suoltakin ka fe hmang ngai si naw a.

JOB LEKHABU (THE BOOK OF JOB) 13:15

Ama chun mi sukhlum sien khawm, ama chu la beisei rawp ka tih. A hmabulah ka thiemna thu ka la hril ding a ni si a.

ISAI 38:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha, ka hni che hi hre zing raw aw,” a ta. Chun, Hezekia chu a ṭap a ṭap ta a.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:1

Kristaa chun thu taktak ka hril a nih, khêl ka hril nawh, Thlarau Inthieng zâra chun,a ka sie le ṭha hrietna khawmin a mi hrietpui a,

1 KORINTH 1:17

Krista chun baptis dingin a mi tir si nawh, Chanchin Ṭha chu hril dingin a mi tir lem a nih; thu vara hril lovin; chuong naw chun, Krista kraws chu iengkhawm ni lovin inchangtir rawi an tih.

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

1 KORINTH 2:13

Mihriem varna inchûktir thua hril lovin, Thlarau inchûktir thua hril lemin Thlarau tieng thuhai chu thlarau tieng mihai kuoma hrilfiein, chuong thil a mi pêkhai thu khawm chu kan hril hlak.

1 KORINTH 4:4

Iengkhawm indemna ding kân hriet si naw a, nisienlakhawm, chu chun thiem a mîn changtir chuong nawh, a mi fietu chu Lalpa a ni lem.

1 KORINTH 5:8

chuleiin, ruoi ṭhêng ei tiu, chawl hluia ṭhe lovin, nunsiet le suolna chawla ṭhe bawk lovin, takna le indikna chawlṭhanglo beiin ruoi ṭhe lem ei tiu.

2 KORINTH 1:17

Chuongchun, chuong ang ka lungril lai khan kan lungril det nawzie inentir am ka nih? Annawleh, ka kuomah, “A nih, a nih,” ti le, “A ni nawh, a ni nawh,” ti chu um ve ve dingin, thil thaw ka tum hlak chu tisa angin am a ni ka tum?

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

2 KORINTH 8:8

Thupêk tiengin ka hril naw a, mi dang ṭhahnemngainain in hmangaina takzie khawm chu infie dingin ka hril lem a nih.

GALATI 6:4

Mi tinin mani thilthaw infie seng lem raw hai se, chu hnunga chun, mi dang chungah ni lovin, mani chung chauah suong ding nei an tih.

EPHESI 6:14

Chuongchun, in kâwng chu thutaka hrênin, felna âwmphaw chu hâkin,

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

1 THESSALONIKA 2:10

Nangni ringtuhai chungah inthiengtak le feltak le, demum lotaka kan umzie kha Pathien leh a mi hrietpuituhai in nih;

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

TITA 2:7

Iengkimah thil ṭha thaw kawnga sukhmutuah insuklang la, în chûk-tirnaa chun, i takzie dâm, în zâumzie dâm,

HEBRAIHAI 13:18

Kan ta dingin mi ṭawngṭaipêk ro, iengkimah feltaka um tumin, sie le ṭha hrietna inthiengtak kan nei ti indiktakin kan inhriet si a.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

JOSUA 24:14

Chuleiin, Lalpa chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, Lalpa rawng chu bâwl ro.

1 PETER 3:16

Nisienlakhawm, thuhnuoirawltak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).