1 TIMOTHE 6:9 - Pathien Lekhabu Inthieng (BSI)

⁹ Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

1 TIMOTHE 6:9 ပူးပေါင်းရင်းမြစ်များ

1 LALHAI 21:6

Ama chun a kuomah, “Jezreel mi Naboth chu ka va biek a, a kuomah, ‘I grêp huon hi min châwktir rawh, annawleh i dit lem chun a aiah grêp huon dang pêng ka ti che,’ ka ti a, ama chun, ‘Ka grêp huon chu pe thei naw ning che,’ tiin a mi dawna a nih,” a ta.

INPÂKNA HLABU 11:6

Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUVARHAI 20:21

A tira chun rochan chu inhmâwtaka chang thei nîng a ta, Amiruokchu, chu tâwpna chu malsâwmpêk ni naw nih.

THUVARHAI 21:6

Lei khêlinhlip leia hausakna hmu chu, Hmatieng hnungtienga tuihu lên hmanga um ang chu a na, a zawngtuhai chun thina an zawng a nih.

THUVARHAI 22:16

A hlâwkna dinga mi pasie nêksâwr a, Mi hausa kuoma pe hlaktu chu a hung hlawsam tei hlak.

THUVARHAI 23:4

Hung hausa dingin insuklungkham naw la, I varnaa inthawk ngei chun bân rawh.

ISAI 5:8

Ram lailia an khât chaua an um theina dinga mi ṭhang vena hmun hrim hrim um lo khawp hiel a, in le in inzawmtir pei le, lo le lo inzawmtir peituhai chung chu a rik ie!

ZEKARIA 11:5

ân chawtuhai chun anni chu an that a, anni chu suolah an inngai naw a; chun, anni zawrtu khawm chun, ‘Lalpa chu inpâkin um raw se, ka hausa si a’, an ta; an berâmpuhai ngei khawm chun anni chu an lunginsiet nawh.

NAMBAR 31:8

An mi thathai laia chun Midian mihai lalhai khawm an ṭhang ve a; Midian mihai lal panga Evi, Rekem, Zur, Hur le Reba hai, Beor naupa Balaam khawm kâwlhnâmin an that a.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MATTHAI 19:22

Tlangvâl ruok chun chuong thu chu a hrietin lungngaitakin a fe hmang ta a; sum tamtak nei a ni leiin.

MATTHAI 26:15

“Ama chu inmantir ka ti cheu a ieng am mi pêng in ta?” a ta. Chun, tangka sâwmthum an bûkpêk ta a.

MATTHAI 6:19

“Hnuoia hângthim le tuiêkin a fâk sietnaah, inruhaiin an verpawpa an inrûknaa hin in ta dingin rohai inkhâwl naw ro.

MARKA 4:19

nisienlakhawm, khawvêl lungkhamnahai, hausakna hlêmnahai, thil dang châknahai chu a hung lût a, thu chu a dîp a, ra lovin a lo um hlak.

LUKA 12:21

“Mâni ta dinga sum inkhâwl a, Pathien tienga hau si naw chu, chuong ang chu a ni hlak,” a ta.

LUKA 21:35

Chuong ang tak chun, hnuoi chung po poa umhai chungah a tlung seng ding a nih.

THILTHAWHAI 8:20

Nisienlakhawm, Peterin a kuomah, “I tangka hi nanga ruolin bohmang raw se, Pathien thilpêk tangka suma inchâwk i tum leiin.

EPHESI 4:22

Chuleiin, in tienlai umdân kawnga mihriem hlui, hlêmna châknaa se deu deu kha hlîp thla unla;

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

1 TIMOTHE 1:9

Hieng hi hre hai sienla, “Dân hi mi feltak ta dinga siem a ni naw a, dân pawisa nawhai le dân bawsiehai ta ding dâm, mi inthieng nawhai le Pathien inzâ nawhai ta ding dâm, pahai thattuhai le nuhai thattuhai ta ding dâmin,

1 TIMOTHE 3:7

Chuong naw khawm chu, puotienga mihai inpâkin a um bawk ding a nih; chuong naw chun, hrilsieta umin diebol chângah âwk rawi a tih.

1 TIMOTHE 6:10

Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

2 TIMOTHE 2:26

Pathien dit zâwng thaw dingin Lalpa suoka manin, Diebol chânga inthawkin an suok thei hlau rawi mawh.

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

JOSUA 7:11

Israelhai hin thil an suksuol a nih; ka thuthlung pawm dinga ka pêk kha an bawsiet a ni hi; thil pumpêk laia ṭhenkhat an lâk bawk a nih; an inrûk a, an ip bawk a, an thuomhnaw lai ngei an thuphmang a nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.