1 TIMOTHE 6:18 - Pathien Lekhabu Inthieng (BSI)

¹⁸ Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

1 TIMOTHE 6:18 ပူးပေါင်းရင်းမြစ်များ

2 CHANCHIN SUINA 24:16

Ama chu David khawpuiah lalhai laia chun an phûm a, Pathien le a in chunga le, Israel ram sûnga chun thil ṭha a thaw hlak leiin.

INPÂKNA HLABU 112:9

A semdar a, pasiehai kuomah a pêk a, A felna chu kumkhuoa um ding a nih; A ki chawimawinaa chawimawiin um a tih.

INPÂKNA HLABU 37:3

Lalpa chu ring la, thil ṭha thaw rawh, Hi rama hin um la, ringumna chu hnawt pei rawh.

THUHRILTU 11:6

Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si naw a.

THUHRILTU 3:12

An dam sûng poa thil ṭha thawa hlima um nêka an ta dinga ṭha lem iengkhawm a um nawh ti ka hriet a.

ISAI 32:8

Mi tiktlai ruok chun tiktlaina thil tieng chu a ngaituo hlak a; chuongchun, tiktlaina tieng thilahai chun um zing a tih.

ISAI 58:7

Mâni bu mi phîngṭâmhai kuoma sem le, rimsi hnawtsuoka umhai mâni ina ṭhuoi hi ni lem lo am a nih? Mi saruok hmua puona dêng le, mâni tisa ang put mihaia inthawka inbîkhmang naw hi ni lem lo am a nih?

MATTHAI 5:42

A hnitu che kuoma chun pe la, i kuoma pûk nuomtu chu nghatsan naw.

LUKA 12:21

“Mâni ta dinga sum inkhâwl a, Pathien tienga hau si naw chu, chuong ang chu a ni hlak,” a ta.

LUKA 3:11

Ama chun an kuomah, “Tukhawm zakuo pahni nei chun a nei naw kuomah pe raw se; tukhawm fâk nei chun chuong ang bawkin thaw raw se,” a ta, a dawn a.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hle a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:13

Mi inthienghai tlâksamnaa chun sawmdâwl unla, mikhuolhai lâwm hlak mi ni ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:8

mi infuitu khawma infui raw se; thil petu khawmin inro lovin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.

1 KORINTH 16:2

Ni saria ni hmasatak peia chun mi tinin, malsâwmna in hmu zie ang peiin siekhâwl seng unla, ka hung phaa thawlâwm dâwl hrim a um nawna dingin.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

1 TIMOTHE 5:10

thil ṭha thaw kawnga mi inpâka um tah, nauhai lo châwm tlei taa, mikhuolhai lo intlungtir taa, mi inthienghai ke lo sâwp taa; lunginzînghai lo sawmdâwl taa, thil ṭha tinrêng taimataka a lo thaw ta phawt chun.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 3:11

Suol nghatsanin, Thil ṭha thaw raw se; Inremna zawngin, Hnawt pei raw se.

1 JOHAN 3:17

Nisienlakhawm, tûkhawm, khawvêl sum neiin, a unau tlasamin hmu sienla, ama chu lainat si naw sienla, Pathien hmangaina chu amaah iengtin am um a ti leh?

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.