1 TIMOTHE 6:14 - Pathien Lekhabu Inthieng (BSI)

¹⁴ ei Lalpa Isu hung inlar nâwk hmakhat chu thupêk kha sawisêlbo le inthiengtaka pawm dingin.

1 TIMOTHE 6:14 ပူးပေါင်းရင်းမြစ်များ

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

HLAHAI HLA 4:7

Ka hmangai, i ṭha kimvêl vawng el, Nangmaa chun kaidum hrim a um nawh.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

PHILIPPI 1:6

Nangnia thilṭha thaw ṭantu khan Isu Krista ni chen chun a thaw famkim pei ding a nih; chu ngei chu ka ring tlat si a.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin. Annirawi laia hringna thu in inhlan pha chun, khawvêla hin sukvartu dingin insuklang ro.

KOLOSSA 1:22

Tu ruok hin chu a taksa thina leiin, thienghlim le sawiselbo le hmelhemlova a hmaa in um theina dingin ama leh a sukrem ta cheu a nih.

KOLOSSA 4:17

Chun, Arkippa kuoma khan, “Rawngbâwlna Lalpaa i hmu kha hlen dingin fimkhur rawh,” ti ro aw.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

2 THESSALONIKA 2:1

Nisienlakhawm, unauhai, ei Lalpa Isu Krista hungna le a kuoma ei hang inkhâwmna ding thua chun,

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

1 TIMOTHE 6:20

Aw Timothe, i kuoma inkawltira um chu kawl ṭha rawh, Pathien inzâ naw tieng thu hril mei mei le, indik nawtaka, “Varna,” an iti insêlna hi nghat san rawh.

2 TIMOTHE 4:1

Pathien mithmu le, mi hring le mithi ngaituotu ding, Krista Isu mithmua chun, ân lârna le a ram sâlin, ṭhahnemngaitakin kân hriettir che:

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet si a.

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

2 PETER 2:21

Lampui fel chu hriet hnunga, thupêk inthieng an kuoma inkawltira um chu nghatsan nêk chun, lampui fel hre naw hai sienla, an ta dingin a ṭha lem ding bah.

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

2 PETER 3:2

zâwlnei inthienghai thu hrillâwk le, in tirkohai baua Lalpa le Sandamtu thupêk chu in hriet zingna dingin.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.