1 TIMOTHE 6:10 - Pathien Lekhabu Inthieng (BSI)

¹⁰ Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

1 TIMOTHE 6:10 ပူးပေါင်းရင်းမြစ်များ

INṬANNA 29:14

Laban chun a kuomah, “Ka tisa le ka ru ngei i ni chu tie,” a ti a. Chun, thla khat a kuomah a um ta a.

INṬANNA 29:26

Laban chun, “Kan rama hin chuong anga nau a u hmaa a naupang lem infetir chu dân a ni naw ie.

INṬANNA 34:27

Jakob naupasalhai chun an mi thathai chu an va nangchîng a, an farnu an sukkhawhlo pêk leiin khuo chu an rawk ta a.

INṬANNA 38:16

Chuongchun, lampui sîra nuhmei tieng chu a va pan a, “Hung ta, lunginsiettakin zâl hmunkhat ei tih,” a ta; a mo kha a nih ti a hriet si naw a. Ama chun, “I mi zâlpui chun iengam mi pêng i ta?” a ti a.

1 LALHAI 2:40

Simei chu a tho a, a sabengtung chu a buotsai a, siehlawhai zawng dingin Gath khuoa Akis kuoma chun a fe ta a; chun, Simei chun Gath khuoa inthawk chun a siehlawhai chu a va ṭhuoi ta a.

2 LALHAI 5:27

Chuongchun, Naaman inphârna khan man a ti che a, kumkhuoin i thlahai khawm man pei a tih,” a ta. Chuongchun, a kuoma inthawk chun vûr anga vâra inphârin a fe suok ta a.

INPÂKNA HLABU 32:10

Mi rilo ta ding chun lungngaina tamtak um a ta, Lalpa ringtu ruok chu ngilneinain inhuolvêl lem a tih.

INPÂKNA HLABU 62:10

Nêksâwrna hi ring naw unla, Inrûknaa chun beiseina teplo innghat naw ro, Hausakna hung pung sien khawm, a chunga chun in lungril innghat bawk naw ro.

THUVARHAI 1:19

Hlêpnaa duâm mi taphawthai lampui chu chuong ang chu a nih; A neituhai hringna chu a lâk hmang hlak.

THUVARHAI 1:31

Chuleiin, anni lampui rasuok ngei chu fâng an ta, An thiltumhai ngeia suksip ni tâng an tih.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUHRILTU 2:19

Chun, mi invêt a ni ding le mi var a ni ding tuin am hrieng a ta? Nisa hnuoia ka varna hmanga ka sininrimna po po ra neitu a la ni ding a ni si a. Hi khawm hi teplo bawk a nih.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

EZEKIEL 13:19

Buṭei vei khat le bei hlek hmu dingin ka mihai lai chun, mi thi lo dinghai chu that ding le, mi hring lo dinghai chu sandam dingin, thu khêl ngai hlak ka mihai chu hlêmin, ka mihai lai chun i mi lo sukhmingsiet ta a.

EZEKIEL 16:33

Nawchizawrhai po po kuoma chun miin thilpêkhai an pêk hlak a, nang ruok chu i hmangaihai po po chu thilpêkhai i pêk a, anni chu i tham a, i châknaa ding chun sîr tina nangma kuoma an hung theina dingin.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra lovin a um hlak.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 6:19

“Hnuoia hângthim le tuiêkin a fâk sietnaah, inruhaiin an verpawpa an inrûknaa hin in ta dingin rohai inkhâwl naw ro.

MARKA 4:19

nisienlakhawm, khawvêl lungkhamnahai, hausakna hlêmnahai, thil dang châknahai chu a hung lût a, thu chu a dîp a, ra lovin a lo um hlak.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

DÂN PAHNINA 23:18

Nawchizawr man amanih, pasal inzawr man amanih, thutiemna dingin Lalpa in Pathien inah in chawi ding a ni nawh; a ieng ieng khawm chu Lalpa in Pathien ngaiin thil tirdakum a nih.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni si a.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 6:21

Chu chu ṭhenkhathaiin nei amanih insâwnin, ringna chu an fe kawisan ta a. Lunginsietna in kuomah um raw se.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

2 TIMOTHE 3:2

Mi mâni inhmangaitu dâm, tangka ngainatu dâm, intivei dâm, chapo dâm, Pathien hrilsetu dâm, nu le pa thuawi naw dâm, lâwm nachâng hre naw dâm, inthieng naw dâm,

2 TIMOTHE 4:10

Dema chun tulai khawvêl hi a ngainat leiin a mi mâksan ta a. Thessalonikaah a fe ta si a; Kreske chu Galati ramah a fe ta a, Tita chu Dalmati ramah a fe ta bawk a, Luka chau ka kuomah a um tah.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

JAKOB 5:19

Ka unauhai, nangni laia mi tûkhawm thutaka inthawk chun inhmang sienla, chun, tuin amanih innghat kîrtir sienla,

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmu a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a ti a.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.

THUPUONGSUO 18:13

thingzungthak dâm, thil riminhnik dâm, riminhnik rawmi dâm, innâlna chi dâm, murra dâm, beraw dâm, uoin dâm, sahriek dâm, beiphit indi tak dâm, bu dâm, sebâwng dâm, berâm dâm leh; sakawr dâm, tawlailîr dâm, suok dâm leh; mihriem hringna dâm leh a nih.