1 TIMOTHE 5:5 - Pathien Lekhabu Inthieng (BSI)

⁵ Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawngṭaiin a um rawp hlak.

1 TIMOTHE 5:5 ပူးပေါင်းရင်းမြစ်များ

INPÂKNA HLABU 91:4

A thla chun inkhum a ti che a, A thla hnuoia chun himtakin um i ta, A thutak chu phaw chîn le phaw lien a nih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 49:21

Chuongchun, nang chun i lungrilin, ‘Hienghai hi tu mîn entir am an ni leh? Ka nauhai kân hmang a, mâni khâta sala invâk invâk ka ni si a; chuongchun, hienghai hi tuin am a châwm puitling tâwl leh? Ngai ta, ka khât chaua mâksanin ka um si a, hienghai hi khaw taka inthawka hung um am an ni leh?’ tîng i tih,” tiin.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

ISAI 54:1

“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nauhai an tam lem si a,” Lalpain a tih.

ṬAP HLA 1:13

Chungtienga inthawkin ka ru sûngah mei a hung tir a, anni chu a hne ta a, Ka kehai ta dingin lên a pha a, a mi keikîr ta a; Râusanah a mi siem a, chauin ka um ni tin a.

LUKA 18:1

Chun, beidawng lovin an ṭawngṭai rawp ding a nih ti, inhriettirna dingin an kuomah tekhithu a hril a;

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

LUKA 2:37

Kum sâwmriet pali zet hmeithaiin a um a. Ama chun Pathien biekin fesan lovin asûn azâna bu nghei dâma ṭawngṭaiin Pathien a biek hlak a.

THILTHAWHAI 26:7

chu thutiem chu, ei hnam sâwm le pahniin, a sûn a zâna Pathien rawng ṭhahnemngaitaka bâwlin hmu an beisei hlak. Aw, lalpa, chu beiseina lei chun Judahaiin an mi hêk a ni hi.

THILTHAWHAI 6:1

Chun, chuong laia inchûktirhai an hung pung pei lai chun, an ni tin thil sema chun an hmeithaihai an ngaisak naw leiin Juda, Grik ṭawng hmanghai chu Juda, Hebrai ṭawng hmanghai chungah an lo chier ta a.

THILTHAWHAI 9:39

Chun, Peter chu a tho a, anni ruolin a fe ve ta a. Chun, a tlung phingleh pindan chunghnunga chun an ṭhuoi a; hmeithai po po chu a kâwla ngîrin, Dorka an kuoma a um laia a zakuo siemhai, a puon siemhai inentir pumin an ṭap tâwl a.

THILTHAWHAI 9:41

Chun, Peter chun a kut a pêk a, a keitho ta a; chun, mi inthienghai le hmeithaihai chu a ko a, damin an kuomah a ṭhuoi ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:12

Chu chu in ringna le keia ringnain ei inthlamuon tuo theina dingin ka tina a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:5

A hming leia hnam tin laia mi ringna thu chu inzâwmtir dingin; ama zâra chun lunginsietna le tirko nina chu kan chang ta a;

1 KORINTH 7:32

Nisienlakhawm, lungkham nei lova in um ka nuom pêk cheu a nih, nuhmei neinaw chun Lalpa suklâwm theina ding zie ngaituoin Lalpa tieng thil chu a lungkham hlak.

1 KORINTH 7:34

Chun, pasal nei le nunghâk inthieng chu an inang bawk naw a; pasal neinaw chun a taksa le a thlaraua inthiengtaka a um theina dingin Lalpa tieng thil chu a lungkham hlak a, pasal nei ruok chun a pasal suklâwm dân ding ngaituoin khawvêl tieng thil a lungkham lem hlak.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

PHILIPPI 4:6

Iengkimah ṭawngṭaina le hninain, lâwmthu hrilsa peiin in dithai chu Pathien kuomah inhriettirin um lem raw se.

1 TIMOTHE 2:1

Chuongchun, a tîrtakin thil hni ṭawngṭaina dâm, ṭawngṭaina hrim hrim dam, ṭawngṭaipêkna dâm, lâwmthu hrilna dâm mi po po ta dinga siempêk dingin kân fui che:

1 TIMOTHE 5:16

Ringtu nuhmeiin hmeithaihai kawl nei sienla, amain sawmdâwl raw se; Kohran chu sukbuoiin um naw raw se, hmeithai taktakhai chu an sawmdâwl theina dingin.

1 TIMOTHE 5:3

Hmeithai, hmeithai taktakhai chu chawimawi rawh.

2 TIMOTHE 1:3

A mi thlatuhai chena sie le ṭha hrietna inthiengtak neia a rawng ka ibâwl hlak Pathien kuoma chun lâwmthu ka hril a nih; a sûn a zâna ka ṭawngṭainahaia chun ka hrietpui zing hlak che a,

1 PETER 3:5

Chuong ang bawkin, inhmaa nuhmei inthieng Pathien ringtuhai khawm kha mâni pasalhai thu thua umin an inchei hlak si a.

RUTH 2:12

Lalpa chun i thilthaw tahai chu thung sienla che, Lalpa, Israelhai Pathien, inhumhimna dinga a thla hnuoi i hung phên chun, i ṭhat man pe ṭeu raw se che,” tiin.