1 TIMOTHE 5:10 - Pathien Lekhabu Inthieng (BSI)

¹⁰ thil ṭha thaw kawnga mi inpâka um tah, nauhai lo châwm tlei taa, mikhuolhai lo intlungtir taa, mi inthienghai ke lo sâwp taa; lunginzînghai lo sawmdâwl taa, thil ṭha tinrêng taimataka a lo thaw ta phawt chun.

1 TIMOTHE 5:10 ပူးပေါင်းရင်းမြစ်များ

INṬANNA 18:4

tui tlâwmte bêk hung la hai sienla, in kehai sâwp unla, thing hnuoia hin châwl hri ta u;

INṬANNA 19:2

chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a ti a. Anni chun, “Ni lo e, khawlaiah riek lem kan tih,” an ti a.

INṬANNA 24:32

Chun, chu mipa chu ina chun a lût a, chun Laban chun sanghâwngseihai thuomhnaw chu a sût a; sanghâwngseihai ta ding chun bupâwl le ran bu a pêk a, a ke le a ruolhai ke sâwpna dingin tui a pêk bawk a.

INṬANNA 43:24

A in enkawltu chun anni chu Josef in sûngah a ṭhuoi lût a, tui a pêk a, an ke an sâwp a; an sabengtunghai chu bu a pêk bawk a.

INPÂKNA HLABU 119:4

Nangin i thununna thuhai chu thupêkin i mi pêk a, Ṭhahnemngaitaka kan zâwm theina dingin.

ISAI 1:17

rorêlna fel zawng unla, nêksâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

LEVI DÂN 25:35

“Chun, i unau a hung pasie a, a hung bêl che chun i lo sawmdâwl ding a nih; mikhuol le khuolchâm i kuoma khawsa angin i umpui ding a nih.

MATTHAI 25:17

Chuong ang bawkin talent hni dawngtu khawm chun talent hni dang a sukdawk ta a.

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

LUKA 7:38

A hnungah a ke bula chun ṭap pumin a ngîr a, a mitthliin a ke a lo far hu a, a samin a hrûk a, a ke chu a fâwp a, hriek rim inhnik chun a nâl a.

LUKA 7:44

Chun, nuhmei tieng chu a ngha a, Simon kuoma chun, “Hi nuhmei hi i hmu? I inah ka hung lût a, nangin ka ke sâwpna ding tui i mi pêk naw a, ama ruok hin chu a mitthliin ka ke a sukhu a, a samin a hrûk a nih.

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 22:12

“Chun, mi pakhat, Anania, Dân kawnga Pathien ngaisak le chutaka Juda umhai po po kuoma hming ṭha chu,

THILTHAWHAI 6:3

Chuongchun, unauhai, nangni laia varna le Thlaraua sip mi hming ṭha ruok pasari thlang ro; anni chu hieng thil rêltu ding hin siem ei tih.

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hle a.

THILTHAWHAI 9:39

Chun, Peter chu a tho a, anni ruolin a fe ve ta a. Chun, a tlung phingleh pindan chunghnunga chun an ṭhuoi a; hmeithai po po chu a kâwla ngîrin, Dorka an kuoma a um laia a zakuo siemhai, a puon siemhai inentir pumin an ṭap tâwl a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:13

Mi inthienghai tlâksamnaa chun sawmdâwl unla, mikhuolhai lâwm hlak mi ni ro.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

1 TIMOTHE 2:10

Amiruokchu, nuhmei Pathien ngaisak intihai chu inphu tâwkin thil thaw ṭhatin inchei hai sien ka nuom.

1 TIMOTHE 3:2

Chuongchun, kohran hotu chu sawisêlbo, nuhmei pakhat nei, insûm thei, lungril indiktak, mi fel, mi lâwm dân thiem, inchûktir dân thiem,

1 TIMOTHE 3:7

Chuong naw khawm chu, puotienga mihai inpâkin a um bawk ding a nih; chuong naw chun, hrilsieta umin diebol chângah âwk rawi a tih.

1 TIMOTHE 5:16

Ringtu nuhmeiin hmeithaihai kawl nei sienla, amain sawmdâwl raw se; Kohran chu sukbuoiin um naw raw se, hmeithai taktakhai chu an sawmdâwl theina dingin.

1 TIMOTHE 5:25

Chuong ang bawkin thil thaw ṭhat ân lang zing chi a um a, chuong ang nawhai khawm chu thup thei a ni nawh.

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

2 TIMOTHE 1:5

Ringna tak tak nangmaa um chu ka hriet zing si a, chu ringna chu a tîrin i pi Loisiah a um a, i nu Eunikiah a um bawk a, nangmaa khawm a um ti indiktakin ka hriet.

2 TIMOTHE 2:21

Chuleiin, miin chuong thilhaia inthawk ân siekieng chun, bêl inthieng, Lalpa hmang tlâk, sin thaw ṭha tinrênga in zosa, ngaihlut ding mi nîng a tih.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

2 TIMOTHE 3:17

Pathien mi chu, sin ṭha tinrêng thaw dinga kimtaka inthuomin, a famkim theina dingin.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

TITA 2:7

Iengkimah thil ṭha thaw kawnga sukhmutuah insuklang la, în chûk-tirnaa chun, i takzie dâm, în zâumzie dâm,

TITA 3:1

Lalhai le thuneituhai kuoma intuklût ding dâm, thu awi ding dâm, thil ṭha tinrêng thawa inzo ding dâm,

TITA 3:14

Ei mipuihai chu an ni tin mamawhai hmu theina dingin thilṭha thaw pei dingin inchûktir la, râ insuo thei lova an um nawna dingin.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

HEBRAIHAI 10:24

Chun, hmangai le thilthawa inchawktho tuo dingin inngaituo seng ei tiu.

HEBRAIHAI 13:2

Mikhuolhai chunga hmangai insuo theinghil naw ro; chuong anga thawin mi ṭhenkhatin hre lovin vântirkohai an lo intlungtir si a.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 4:9

Chier lovin intlung tuo unla,

3 JOHAN 1:12

Demetri chun mi po po inpâk a hlaw a, thutaka inpâk ngei a hlaw bawk a; anih, keini khawmin kan inpâk a nih; kan inpâkna hi ân dik a nih ti i hriet.