1 TIMOTHE 5:1 - Pathien Lekhabu Inthieng (BSI)

¹ Putar deuhai chu hal naw la, pa angin thlêm lem rawh; tlanglakhai chu unau angin;

1 TIMOTHE 5:1 ပူးပေါင်းရင်းမြစ်များ

LEVI DÂN 19:32

“Lua kêlsam ṭohai hmaa chun i ngîr pei ding a na, tar hmêl chu în za ding a na, i Pathien chu i ṭi ding a nih; Kei hi Lalpa chu ka nih.

MATTHAI 23:8

“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni si a.

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 15:4

Chun, Jerusalem chu an hang tlung chun, kohranhai, tirkohai, upahai chun an lo lâwm a, chun, Pathienin anni hmanga thil a thawhai po po chu an hril a.

THILTHAWHAI 15:6

Chun, tirkohai le upahai chu, chu thu chu ngaituo dingin an inkhâwm a.

THILTHAWHAI 20:17

Chun, Miletia inthawkin Ephesiah mi a tir a, kohrana upahai a kuomah ân kotir a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:7

Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawltakin tungding nâwk ro.

DÂN PAHNINA 33:9

‘Ka nu le ka pa ka hriet nawh,’ titu, A unauhai hre lo a, Ama nauhai ngei khawm hre bawk lotu kuoma chun, I thu chu an pawm a, I thuthlung chu an zâwm si a.

1 TIMOTHE 5:17

Kohran upa ro rêl ṭhahai chu a lêt hnia chawimawi tlâka ngai ni raw hai se; thu hril le inchûktirna kawnga sininrimhai chu chawimawi tlâka ngai nâwk zuol ni raw hai se.

1 TIMOTHE 5:2

pitar deuhai chu nu angin, nunghâkhai chu inthiengtakin farnu angin.

TITA 2:2

Putarhai chu insûm thei, inzâum, lungril feltak; ringna le hmangaina le selnaa indiktak ni dingin infui rawh.

TITA 2:6

Chuong ang bawkin la tlangvâl deuhai chu lungril feltak put dingin infui bawk rawh.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

JAKOB 5:14

Nangni lai damnaw an um am? Kohran upa inkotir sienla, anni chun Lalpa hminga hriek nâlin a chungah ṭawngṭai raw hai se.

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

2 JOHAN 1:1

Upa chun: Nuhmei ṭha thlang le a nauhai kuomah: Titakzetin ka hmangai cheu a nih, kei chau ni lovin, thutak chu hre taphawt khawmin an hmangai cheu a nih:

3 JOHAN 1:1

Upa chun: Dittak Gaia, titakzeta ka ihmangai kuoma chun,

THUPUONGSUO 4:4

Lalṭhungpha vêla chun lalṭhungpha sâwmhni le pali a um a; chun lalṭhungphahaia chun upa sâwmhni le pali puon vâr sila ṭhung ka hmu a, rângkachak lallukhumhai an khum a.