1 TIMOTHE 4:6 - Pathien Lekhabu Inthieng (BSI)

⁶ Chuonghai chu unauhai în hriettir chun, Krista Isu rawngbâwltu ṭhatak nîng i tih, ringna le inchûktirna ṭha tu chena i la zâwm thuah châwm i ni ang khan.

1 TIMOTHE 4:6 ပူးပေါင်းရင်းမြစ်များ

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

THUVARHAI 4:2

Thuinchûktir ṭha chu ka pêk si cheu a, Ka inchûktirna hi nghatsan naw ro.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

LUKA 1:3

chuleiin, Theophil inzâumtak, a bula inthawkin iengkim fimkhur taka suiin, kei khawmin chanchin indawt thlapin ziek pêk lang che ṭhain ka hriet a;

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhangpui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:15

Nisienlakhawm, inhriettir nawn ding cheuin khâwlai lai hin amanih huoitakin ka ziek a nih: Pathienin a mi pêk lunginsietna lei hin Jentailhai laia Krista Isu rawngbâwltu ka nih.

1 KORINTH 4:17

Chuleichun, Timothe, Lalpaa ka nau dittak le ringum chu in kuomah ka hung tir a nih, ama chun Kristaa ka umdân ram tina kohran tina ka închûktir hlak ang hi inhriettir nâwk a ti cheu.

2 KORINTH 11:23

Krista rawngbâwltuhai an ni maw? (invêt angin hang hril ka tih) ka ni lem hman hman a nih: sin thaw inrimnaahai nasa nâwk zuolin, intângna ina intângnaahai nasa nâwk zuolin, tiem sênglo vuoknahai, thi el theina vawi tamtak ka tuok a nih.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

EPHESI 6:21

Chun, nangni khawmin iengtin am ka um a, ka chanchin in hriet theina dingin, Tukik, Lalpaa unau dittak le ringumtak hin iengkim inhriettir a ti cheu:

PHILIPPI 2:20

Hieng anga lungril put, in umzie titakzeta ngaituopêktu ding cheu tûkhawm ka nei si naw a.

PHILIPPI 2:22

Nisienlakhawm, ama hi chu fiea a um tâkzie in hriet, nauin a pa rawng a bâwl angin, Chanchin Ṭha sukdar kawngah rawng a mi bâwlpui hlak kha.

PHILIPPI 3:16

Iengkhawm ni sien la, ei phâk chin ang pei hi sukdikin, chutaka inthawk chun fe pei ei tiu.

KOLOSSA 2:19

Lu chu an chel tlat si naw a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni si a.

KOLOSSA 3:16

Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

KOLOSSA 4:7

Lalpaa unau dittak, rawngbâwltu ringum, kan suok chanpui Tukik hin ka chanchin po po inhriettir a ti cheu.

1 THESSALONIKA 3:2

Timothe ei unaupa, Krista Chanchin Ṭha tienga Pathien rawngbâwltu hi sukdet ding cheu le in ringna kawnga thlamuon ding cheuin kan hung tir a nih;

1 TIMOTHE 1:10

indit hmanghai ta ding dâm, mawngkawhurhai ta ding dâm, mihriem inru hmanghai ta ding dâm, khêl hril hmanghai ta ding dâm, inkhâm tehlêm hmanghai ta ding dâm, inchûktirna indik ang ni lova thil dang hrim;

1 TIMOTHE 4:16

Nangma le i inchûktirnaa chun fimkhur la, chuong thilhai chu thawin um zing rawh; chuong anga thawin nangma le i thu ngaituhai chu i sandam ding a nih.

1 TIMOTHE 6:3

Mi tûkhawmin inchûktirna dang ân chûktir a, thutak (Ei Lalpa Isu Krista thu) le, Pathien ngaisakna inchûktirna tieng a awi naw chun,

2 TIMOTHE 1:6

Chuleiin, ka kut innghat leia Pathien thilpêk nangmaa um kha mût chawk dingin ka hril nawn che a nih.

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

2 TIMOTHE 4:3

Inchûktirna indik an ngai pei naw hun a la tlung ding a ni si a; an nahai ân za leiin anni dit zâwng angin inchûktirtuhai an kuomah inkhâwm lem an tih.

TITA 2:1

Nang ruok chun inchûktirna indiktak le inhme thu hril rawh.

1 PETER 2:2

naute pieng tharhai angin thlarau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

2 JOHAN 1:9

Tûkhawm Krista inchûktirna thua um zing lova, fe khêl chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.

JUDA 1:5

Hieng hi vawikhat lo hre vawng ta khawm ni unla, Lalpa chun Aigupta rama inthawka mihai a sansuok a, chu hnunga chun a ringnawhai chu a sukbohmang zie kha inhrietthartir cheu ka nuom a nih.