1 TIMOTHE 4:5 - Pathien Lekhabu Inthieng (BSI)

⁵ Pathien thu le ṭawngṭainain sukthieng a ni ta si a.

1 TIMOTHE 4:5 ပူးပေါင်းရင်းမြစ်များ

INṬANNA 1:25

Chuongchun, Pathienin, ram sa anni chi um dân ding ang sengin, ran dâm anni chi um dân ding ang sengin, thilhring hnuoia bawkinvâka lâwnhai po po, anni chi um dân ding ang sengin a siem a: Pathienin chu chu a en a, ṭha a ti hle a.

INṬANNA 1:31

Chun, Pathienin a thilsiem tinrêng chu a en a, ngai ta, ṭha a ti êm êm a. Chuongchun, zântieng a um a, zîngtieng a um bawk a, chu chu a ni rukna a nih.

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

LUKA 4:4

Chun, Isûn a kuomah, “ ‘Mihriem hi bei chauin hring naw ni hai,’ ti ziek a nih,” a ta, a dawn a.

1 KORINTH 7:14

Pasal awilo mi chu a nuhmei zârah sukthiengin a um a, nuhmei awilo mi khawm chu a pasal zâra sukthiengin a um bawk a nih; chuong ang chu ni naw sien chu in nauhai chu inthieng naw nihai; nisienlakhawm, an inthieng zing a nih.

1 TIMOTHE 4:3

innei an khap hlak a, iengkhat fâk dinghai (thutak hrea ringtuhai lâwmthu hrila pawm dinga Pathienin a isiemhai chu) fâk naw ding an ti hlak.

TITA 1:15

Mi inthienghai ta ding chun iengkim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.

HEBRAIHAI 11:3

Ringnain khawvêlhai hi Pathien thua siem fel diem a ni ta ti ei hriet, chuongchun, thil hmu theihai hi thil inlang theihaia siem a ni nawh.