1 TIMOTHE 4:3 - Pathien Lekhabu Inthieng (BSI)

³ innei an khap hlak a, iengkhat fâk dinghai (thutak hrea ringtuhai lâwmthu hrila pawm dinga Pathienin a isiemhai chu) fâk naw ding an ti hlak.

1 TIMOTHE 4:3 ပူးပေါင်းရင်းမြစ်များ

INṬANNA 9:3

Thilhring chângthei tinrênghai chu in ta dingin fâk ding nîng an ta; thlai hring ka pêk ang cheu khan iengkim ka pêk vawng cheu.

THUHRILTU 5:18

Ngai ta u, mi ta dinga ditum le ṭha âwma ka hmu chu, Pathienin ama a ipêk a dam sûng po poa, nisa hnuoia a sininrimna, a sininrimna po poa chun thil ṭha chu chên a, dâwna fâk hi a nih; chu chu ama chanpuol a ni si a.

DANIEL 11:37

Nuhmeihai châkna amanih, a thlatuhai pathienhai amani khawm chu ngaisak naw ni a, pathien hrim hrim ngaisak naw ni, chuong chung po poa chun ama chu ân chawisâng ding a ni si a.

MATTHAI 14:19

Chun, hlo chunga ṭhung dingin mipui chu thu a pêk a, beiphêk panga le nga pahni chu a lâk a, vân tieng enin mal a sâwm a, a khawi a, beiphêk panga chu inchûktirhai kuomah a pêk a; inchûktirhai chun mipui kuoma chun an pêk a.

MATTHAI 15:11

baua lût chu mihriem sukthieng nawtu a ni naw a, baua suok, achu ngei chu mihriem sukthieng nawtu a ni lem,” a ta.

MATTHAI 15:36

Chun, bei pasari le ngatê chu a lâk a, lâwmthu a hril a, a khawi a, inchûktirhai kuomah a pêk a; inchûktirhai chun mipuihai kuomah an pêk a.

LUKA 24:30

Chun, an kuoma buthlêng awta a ṭhung laiin bei a lâk a, mal a sâwm a, a khawi a, an kuomah a pêk a.

JOHAN 6:23

(Nisienlakhawm, Lalpain lâwm- thu a hril hnunga, bei an fâkna hmun kâwla khan Tiberi khuoa inthawkin lawng chînhai a hung tlung si a).

THILTHAWHAI 27:35

Chun, chu thu chu a hril zoin bei a lâk a, mi po po hmaa chun Pathien kuomah lâwmthu a hril ta a; chun, a khawi a, a fâk ṭan ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:3

Iengkim fa mi chun a fa naw chu hmusit naw raw se; a fa naw khawm chun a fatu chu sawisêl naw raw se; Pathienin ama chu a lâwm tah si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:6

Ni insertu chun, Lalpa chawimawina dingin ân ser hlak a na. Iengkim fatu chun, Pathien kuomah lâwm thu a hril a, Lalpa chawimawina dingin a fâk hlak a nih; a fa nawtu khawm chun, Pathien kuomah lâwm thu a hril a, Pathien chawimawina dingin a fâk naw hlak a nih.

1 KORINTH 6:13

Fâk dinghai chu phîng ta ding a na, phîng chu fâk dinghai ta ding a nih; nisienlakhawm, Pathienin sukbo ve vêng a tih. Chun, taksa hi inditna ding a ni naw a, Lalpa ta ding a ni lem: Lalpa khawm chu taksa ta ding a nih.

1 KORINTH 7:28

Nisienlakhawm, nuhmei i nei chun thil i suksuol nawh, nunghâk inthieng khawma pasal a nei chun thil a suksuol chuong nawh. Amiruokchu, chuong ang mi chun taksaa chun rinum tuor a tih, nisienlakhawm, kei ruok chun intuortir naw cheu ka nuom a nih.

1 KORINTH 8:8

Nisienlakhawm, fâk ding hin Pathien mit mîn tlungtir chuong naw ni; fa naw inla khawm se chuong naw bawk ei tih; fa inla khawm ṭha chuong naw bawk ei tih.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 TIMOTHE 2:4

ama chun mi po po sandama um ding le thutak hre dingin a dit a nih. Pathien pakhat chau a um a.

1 TIMOTHE 4:4

Pathien thilsiem tinrêng hi a ṭha si a, lâwmthu hrila pawm a ni taphawt chun iengkhawm dit naw ding a ni nawh,

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

HEBRAIHAI 13:9

Inchûktirna tinrêng le inchûktirna maktak lên hmangin um naw ro; lungril hi lunginsietnaa sukdet chu a ṭha si a, fâk dinghaia sukdeta um lovin, chuong ang kawng lungkhamhai chun chuonga chun ṭhathnemna an hmu chuong nawh.

1 SAMUEL 9:13

khuo in hang lût hlimin bâwlhmuna bu fa dinga a fe hmain hang hmu nghâl el in tih; inthâwina malsâwmtu ding a ni leiin a tlung hmakhat chu mipui chun bu an fâk naw ding a nih, chu hnunga chun an mi fielhai chun an fâk hlak a nih. Chuleiin, hang fe vak unla, hang hmu nghâl el in tih,” an ta.