1 TIMOTHE 4:2 - Pathien Lekhabu Inthieng (BSI)

² Chuong mi khêlhliphai chu anni sie le ṭha hrietna ngeia thîr linga bel ang an na,

1 TIMOTHE 4:2 ပူးပေါင်းရင်းမြစ်များ

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, Lalpa thuin, ‘Bei dâm fa a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

1 LALHAI 22:22

Chun, Lalpain a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

ISAI 9:15

Upa le mi inzaumhai chu a lu chu an na, khêl inchûktir hlak zâwlneihai chu a mei chu an nih.

JEREMIA 23:14

Jerusalema zâwlneihaia khawm thil râpthlâktak ka hmu a; anni chun uiretna thil an thaw a, thukhêlah an fe a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 23:26

Zâwlnei thukhêl hriltuhai, anni lungril inhlêmnaa zâwlneihai chu, chuonghai lungrila chun hi hi iengchen am a um ding a na?

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

THILTHAWHAI 20:30

Nangni laia mi khawm, inchûktirhai an kuoma inkawptir dingin thu hran hril la hung um an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

EPHESI 4:19

Chuonghai chun iengkhawm an inhriet thei ta naw leiin thil inthiengnaw tinrêng duâmtaka thaw dingin hurnaah an inpumpêk ta a.

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

THUPUONGSUO 16:14

Chuong chu khawhri thlarau, thilmak thaw hlakhai an nih. Anni chu Pathien Iengkimthawthei ni ropuia indonaa ṭhuoi khâwm dingin khawvêl po poa lalhai kuomah an fe a.