1 TIMOTHE 4:10 - Pathien Lekhabu Inthieng (BSI)

¹⁰ Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

1 TIMOTHE 4:10 ပူးပေါင်းရင်းမြစ်များ

INPÂKNA HLABU 107:2

Lalpa mi intlanhai chun chuong ang chun hril raw se, Dotu kuta inthawka a întlan,

INPÂKNA HLABU 118:8

Mihriem ring nêk chun Lalpaa ringna innghat hi a ṭha lem a nih.

INPÂKNA HLABU 36:6

I felna chu Pathien tlânghai ang a na, I rorêlhai chu tui inthûk lientak ang a nih; Aw Lalpa, mihriem le sa khawm i humhim hlak.

INPÂKNA HLABU 37:40

Lalpain anni chu a ṭhangpuiin a sanhim hlak a, Amaa chun an tlûklût leiin; Mi rilohaia inthawk chun a sanhimin a sandam hlak.

INPÂKNA HLABU 52:8

Kei ruok chu chu Pathien ina oliv thing inder hlut hlut ang ka na, Pathien zainêmna chu kumkhawtluongin ring ka tih.

INPÂKNA HLABU 84:12

Aw sipaihai Lalpa, Nangma ring mi chu a hamṭha ie.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

JEREMIA 17:7

Mi Lalpa ringtu le Lalpa beiseitu chu a hamṭha.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

NAHUM 1:7

Lalpa chu a ṭha a, lunginzîng nia chun kul nghet a nih, amaa an ringna innghattuhai chu a hriet.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 27:43

Pathien a awi annâwm, ama hi a nuom chun tuhin sandam raw se, ‘Pathien Naupa ka nih,’ a ti si a,” an ta.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet ta a, hi mipa hi khawvêl Sandamtu a ni ngei ti kan hriet tah,” an ta.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

1 KORINTH 15:10

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

2 KORINTH 1:10

Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,

1 TIMOTHE 2:3

Chu chu a mi Sandamtu Pathien ngaiin a ṭhain lâwm tlâk a nih;

1 TIMOTHE 2:4

ama chun mi po po sandama um ding le thutak hre dingin a dit a nih. Pathien pakhat chau a um a.

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

HEBRAIHAI 13:13

Chuongchun, ama an hmusitna chu phurin khawhnâwmah a kuom tieng fe suok vêng ei tiu.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.